Sýretshi, ıllústrator Murat Dılmanov ánshi Qydyráli Bolmanovqa jasaǵan karıkatýrasynda ony qorlaıtyn eshteńe joq ekenin aıtady.
Ánshi almatylyq sýretshi Murat Dılmanovtyń eńbegin baǵalamady. Sýretshi karıkatýrany qańtar aıynyń basynda óziniń Facebook paraqshasyna jarıalaǵan edi.
Sýrette Qydyráli Bolmanovqa uqsaıtyn er adam beınelengen. Ol kerýette oılanyp otyr. Karıkatýrada bireý oǵan «Uıyqta! Ýaqytsha tirkeýdiń saǵan qatysy joq!» dep aıtylǵany anyq kórsetilgen. Óz kezeginde er adam «Barlyq úmit men de!...» dep aıtady.
Ilústrasıa avtory bizdi ótken jylda bolǵan oqıǵaǵa alyp keledi. Ánshiniń áıeli jáne prodúseri kúıeýine toqal syılaǵysy keletinin aıtyp, halyqty tań qaldyrǵan sátti eske salady.
Basynda Bolmanov másele toqal jóninde emes, jańa kólik ekenin aıtýǵa asyqty. Odan keıin kenetten halyqtyń nazaryn jer daýynan basqaǵa aýdaryǵysy kelgeni týrasynda málimdeme jasady. Osydan keıin halyq arasynda ol qyzý talqylanyp, mysqyl mándegi áńgimege arqaý boldy.
Qydyráli Bolmanov atynan narazylyqty onyń advokaty Amanbol Ábeýov bildirdi. Atalmysh karıkatýra ánshi úshin qorlaýmen bir ekenin jetkizdi.
Bul jaǵdaıda Qydyráli Bolmanovtyń balalaryna moraldyq shyǵyn týraly jáne jeke ómirge aralasý týraly aıtylýy múmkin.
Sýretshiniń ózi suhbatynda aıyptaýlarmen kelispeıinin jetkizdi jáne óz jumysynda adamdy qorlaıtyn eshteńe baıqamaǵanyn aıtady.
Murat, sizdi sotqa bermekshi. Advokat izdep jatyrsyz ba, álde bireýmen keńesip úlgerdińiz be?
Advokattardy men izdep júrgenim joq jáne izdemeımin de. Sonymen qatar, zańgerlermen keńespedim. Iaǵnı eshqandaı qarbalas joq. Máseleni baıypty túrde sheshemin.
Karıkatýradaǵy kim ekenin aıta alasyz ba?
Onda Qydyráli Bolmanovqa uqsaıtyn adam beınelengen. Qazir tek osyny ǵana aıta alamyn.
Ánshiniń advokaty jumysyńyzda adamdy qorlaıtyn mán jatqanyn aıtady?
Men olaı oılamaımyn. Muny dáleldeý kerek. Men karıkatýrany «Qazaqstannyń taǵdyryna alańdap otyrǵan adam» dep ataǵanmyn.
Karıkatýra hobbıińiz be?
Iá, bul meniń kásibim emes. Men ıllústrator, kásibı sýretshimin. Al karıkatýra qyzyǵýshylyǵym, eldegi bolyp jatqan oqıǵalarǵa qatysty ózimniń azamattyq kózqarasymdy bildirý ádisi. Ýaqytsha tirkeý týraly zań kóńilimnen shyqpaıdy. Ony adamdarǵa kúshtep engizdi. Men óz pozısıamdy mysqyl retinde jetkizdim. Ol bireýdiń ar ojdanyna tıipti. Shyn aıtaıyn, mundaı reaksıany kútpedim.
Arqa tusyndaǵy áıel týrasynda ánshiniń suraqtary bar eken. Onyń óz boljamdary da bar. Siz ne aıtasyz?
Meniń oıymsha, bul jaı ǵana joramal. Ony qyz dep ataýǵa kelmeıdi. Sebebi onda genderlik eshteńe joq. Ony er dam deýge de kelmeıdi. Ony tek «arqa» dep ataýǵa ǵana bolady. Durysy – «jaryq daǵy» deý qajet.
Sizdiń ataqty Uıatmenińiz birneshe karıkatýraǵa arqaý boldy. Qydyráli Bolmanovqa uqsaıtyn adamdy basqa da karıkatýraǵa qosý oıyńyzda bar ma?
Joq, atalmysh karıkatýra keıipkeriniń tarıhyn jalǵastyrmaımyn. Men ony jasaýdy oılamaǵanmyn, jasamaımyn da.
Siz narazylyqtan habardarsyz. Sizben bireý baılanysty ma?
Iá, sotqa deıingi narazylyq eskertý qaǵazy kelý kerek. Biraq maǵan áli kelmedi. Menimen eshkim baılanyspady da.
Sizdiń eń alǵashqy reaksıańyz: «Keshirim suramaımyn» boldy. Bul sheshimińiz áli de óz kúshinde me? Álde birdeńe ózgerdi me?
Birdeńe ózgereme, joq pa ony bilmeımin. Biraq men bylaı dedim: «Óz shyǵarmashylyǵym meniń jaýapkershiligimde jáne ol úshin men keshirim suramaımyn. Sebebi karıkatýradan adamdy qorlaıtyndaı eshteńe kórip otyrǵanym joq».
Ánshiniń advokaty Qydyráli Bolmanov sizben kezdeskisi keletinin aıtty. Siz onymen júzdesýge daıynsyz ba?
Iá, árıne. Daıynmyn.
Oryn alǵan jaǵdaı týraly ne oılaısyz?
Bul karıkatýrıst úshin qalypty jaǵdaı. Tyń eshteńe bolmady.
Demek, jumystaryńyz bireýge unamaǵan jaǵdaılar jıi bolyp turady ǵoı?
Joq, men buǵan boıymdy úıretip úlgermedim.
