Ia, ul-qyzdarymyzdyń ulttyq salt-dástúrimizge qaıshy keletin qaýipti dinı aǵymdardyń jetegine ilesip ketip, teris jolǵa túsýine qazirgi kezde bilim berý salasyn jaılap alǵan jappaı jemqorlyq ta erekshe yqpal jasap otyr! Mysaly, mektep bitirýshileriniń UBT, basqa da túlekterdiń keshendi testileý tapsyrýy kezinde naǵyz jemqorlyq kúsheıip ketetinin jurttyń barlyǵy biledi. Mysaly:
Mektepke sabaqqa barmaıtyn, biraq ata-anasynyń aqshasy kóp balalar úshin UBT kezinde joǵary bal jınatyp berý "qyzmetiniń" aqysy bıylǵy jyly - 5-7 myń AQSH dollaryna deıin jetti! Mektepti óz kúshimen úzdik bitirip, "Altyn belgi" ıegerleri atanǵan erekshe daryndy balalardyń ózi Memlekettik bilim berý grantyn ala almaı, konkýrstan óte almaıtyn jaǵdaıǵa jettik! Kúni keshegi "Egemen Qazaqstan", "Kazahstanskaıa pravda" gazetinde jarıalanǵan Memlekettik bilim granty ıegerleriniń tizimine qarap otyrsaq, elimiz boıynsha júzdegen demesek te, ondaǵan "Altyn belgi" ıegerleri grant ala almaı, kerisinshe, mektepti zorǵa bitirgen baı-manaptardyń erke-totaılary men UBT, KT kezinde óte tómen bal alǵan "bilgishter" grant ıegeri atanyp otyrǵanyn kórip otyrmyz. Mine, jaqyn kúnderi JOO-da magıstratýra men PhD doktorantýrasyna qujat tapsyrǵan talapkerlerden mamandyq boıynsha emtıhandar qabyldanady. Beıresmı málimetter boıynsha magıstratýra men PhD doktorantýrasyna grantqa túsýdiń "aqysy" da 5-7 myń, keıbir jerlerde 10 myń AQSH dollaryna jetip otyr. Shetel tili boıynsha testik emtıhandardyń qalaı tapsyrylatynyn aıtpaı-aq qoıalyq. Al mamandyq boıynsha jazbasha jáne aýyzsha emtıhan qabyldanatyn kezde JOO rektorlary men dekandary, t.b. jaýapty adamdar arnaıy tizim jasap qoıatyny qupıa bolmaı qaldy. Suraǵan aqshalaryn bermegen, óz bilimi men qabiletine ǵana senip kelip otyrǵan talapkerler mamandyq boıynsha emtıhannan eshqashan da óte almaıdy, olar suraqtarǵa myń jerden durys, tolyq jaýap berse de, olardy ótkizbeıdi! Mine, osyndaı jaǵdaıda jastarymyz barlyǵynan da túńilip, ózderin tegin oqýǵa qabyldaıtyn JOO-ryn izdeıdi, ómirden kúder úzip, meshitterge barady, shetelderge ketýge májbúr bolady. Sóıtip, "jarylqaǵysh" teris dinı aǵymdar ókilderiniń tuzaǵyna ózderi baryp túsedi! Osyndaı jaǵdaıda Din isteri jónindegi agenttikti taratyp jibergenimiz - óte úlken qatelik boldy! Ata-ana retinde meniń pikirim osy! Jap-jaqsy jumys istep turǵan Din isteri jónindegi agenttikti taratqansha, odan da Bilim jáne ǵylym mınıstrliginiń janynan da Dinı ekstremızmge qarsy kúresetin arnaıy bólimshe ashý kerek dep oılaımyn! Eger barlyǵymyz birigip, keshendi túrde kúrespesek, teris dinı aǵym ókilderi jastarymyzdyń sanasyn ýlap, qazaq qoǵamyn qurtyp bara jatyr!
Myrzantaı Jaqyp (Áleýmettik jelidegi paraqshasynan)
