QR Investısıalar jáne damý mınıstri
Á. Ó. Isekeshev myrzaǵa.
Ashyq hat.
Qurmetti Áset Órentaıuly!
Osy ashyq hatty Sizge arnap jazýǵa myna sumdyq qalyptasqan jaǵdaı sebep boldy. «Vremá» gazetiniń 2014 jyldyń 9-shy tamyzynda belgili qazaqstandyq jýrnalıs qaryndasymyz Madına Aıymbetovanyń «Zachem vy, malchıkı? Kto-to pytaetsá prıkleıt k Kazahstaný ıarlyk vtorogo Taılanda. Statá v ındııskom ınternet-ızdanıı, nazvavshaıa nashý straný novym sentrom mırovogo seks-týrızma, stala povodom dlá razbıratelstva na dıplomatıcheskom ýrovne. Bangkok –eto proshloe. Indııskıe mýjchıny teper tolpamı stekaıýtsá v Kazahstan.»- atty namysty qazaqtardyń janyn túrshiktiretin jan aıqaı maqalasy men meniń 2014 jyldyń 18 naýryzynda ««Qazaq eline las týrızmdi ákelmeý týraly « Uly Dala Qyrandary» respýblıkalyq qoǵamdyq áleýmettik –mádenı qozǵalysynyń óz Úkimetimizge joldaǵan ÚNDEÝİME» tıisti memlekettik mekemelerdiń, onyń ishinde Sizdiń mınıstrlikke qaraıtyn týrızm komıtetindegi sheneýnikterdiń tarapynan jaýap bolmaı, nemquraılylyq tanytýlary naqty sebep bolyp otyr. Bul Úndeý hatty QR Premer Mınıstriniń Keńsesi 2014 jyldyń 18 naýryzynda qabyldap alǵan. Hattyń nomeri 461-217. 2014 jyldyń 18 naýryzy. Sodan beri bul hatqa eshqandaı jaýap joq. Al, Týǵan Otanymyz - Qazaqstan Respýblıkasyndaǵy týrızm - las týrızmge aınalyp, ulttyń qasiretine, qaıǵysyna aınalyp, bizdiń eldi álemge masqaralaýda. Atalarymyz: -«Meshkeý degen jaman at» dese, mynaý ıarlyk tipti onan mıllıon ese sumdyq kleımo bolyp tur. Osyny túsinetin sát keldi.
Orystarda mynadaı qanatty sóz bar:-«IMIJ vse, ostalnoe nıchto!». Las týrızmniń arqasynda bizge óte jaman las ataý tańylyp otyr. Buny estigennen, kórgennen ólgen artyq dep sanaımyn. Biz baı elmiz dep jar salamyz. Búkil álem mazaqtap seks týrızmniń otany Qazaqstan, al seks týrızmniń astanasy - Almaty qalasy dese namysy bar qazaq ólmegende ne isteý kerek. Áset baýyrym, ádilin óziń aıtshy nege biz osyndaı kúıge jettik??? Dál osy jaǵdaıda baılyq nege kerek, barlyq nege kerek ? Ashyǵyn aıtaıyn osy jaǵdaı meni qatty alańdatyp otyr. Logıkaǵa salsaq seks-týrızm ekonomıkasy nashar, namysy taptalǵan, ar-uıaty az elde ǵana oryn alady emes pe? Bizde ultqa, jastarǵa joǵary adamgershilik rýhta tálim-tárbıe beretin ıdeologıa joq. Onyń ornyn las týrızm basyp otyr. Sonyń saldarynan memlekettiń ımıjine nuqsan keltiretin, qazaq azamattarynyń saǵyn syndyryp, namysyn taptaıtyn keleńsiz seks-týrızm ordasy degen jaman atqa tap bolyp otyrmyz. Budan qalaı qutylamyz mınıstr myrza? Túsinikti bolý úshin buryn Úkimetke joldaǵan Úndeýimniń mátinin sizge arnaıy jiberip otyrmyn. Las týrızmdi boldyrmaıtyn sharalardy tez arada júzege asyrý qajet.
*** *** ***
«QR Úkimetiniń Premer–mınıstri
S.N.Ahmetov myrzaǵa!
«Qazaq eline las týrızmdi ákelmeý týraly «Uly Dala Qyrandary» respýblıkalyq qoǵamdyq áleýmettik-mádenı qozǵalysynyń óz Úkimetimizge joldaǵan ÚNDEÝİ!».
(2014 jyldyń 18 naýryzynda joldanǵan.)
Qurmetti, Serik Nyǵmetuly!
Osy Úndeýdi daıyndap jáne jazyp Sizge joldaýǵa elimizdegi týrızmge qatysty qalyptasyp kele jatqan keıbir keleńsiz jaǵdaılar ábden májbúrlep otyr. Qazir atalmysh salaǵa jaýapty mınıstrlik, onyń departamentteri bar jáne barlyq deńgeıdegi ákimder men týrısik mekemeler, bıznes qurylymdary týrızmdi damytamyz dep ala shapqyn bolyp júr. Sózsiz, ekonomıkalyq turǵydan alǵanda, onyń tıimdi ekeni, qazynaǵa paıda ákeletini de ras dúnıe. Oǵan daý joq. Biz bul umtylysty qoldaımyz. Másele, Serik Nyǵmetuly, týrızmniń basqa jaǵynda bolyp tur.
Másele, bizge qandaı týrızm kerek?! Bolashaqta elimizge qandaı týrızm qazaq eline keledi?! Eger de ultymyzdyń myńjyldyq salt – dástúrine, mentalıtetine, Uly dalanyń órkenıetti mádenıeti men musylmandyq dinine zıan tıgizbeıtin, zalal keltirmeıtin, bizdiń ar – ojdanymyzdy masqaralamaıtyn bolsa, onda áńgime basqasha. Biz, taǵy qaıtalap aıtamyn tazalyqty pash etetin týrızmdi eki qolymyzdy kóterip, qoldaımyz.
Al, tek qana paıda tabýdy, aqshany, valútany kózdeıtin, bizdiń ulttyq mentalıtetimizge, salt – dástúrimizge jat, bizdiń bolashaq urpaǵymyzdy burys jolǵa, arsyzdyqqa bastaıtyn «jyn-oınaq», «las týrızmge» túbegeıli qarsymyz. Biz, «las týrızm» dep «geı-týrlardy», «geı-otelderd»i, «geısha klýbtardy», jezókshelerdi, narkomandardy, maskúnemderdi jáne bir jynystylyqtardy dáripteıtin týrızmdi aıtamyz. Onyń aldy, qazaq jerine kelip te úlgerdi. Mysaly, tek qana bir Almatynyń ózinde 20-dan asa geı-klýbtar, 30-dan asa geısha-klýbtar, 40tan astam kúndiz-túni jumys isteıtin jyn - oınaq, túngi klýbtar, bordelderge aınalǵan saýna – haýyzdar qaptap ketti. Bir sózben túıindesek, arsyzdyq máseleleri elimizde qatty beleń alýda. Osyny qalaı toqtatamyz? «Týrızm, týrızm, aqsha, aqsha» -dep júrip, bolashaqta kúlkimizdi jıa almaı qalyp júrmeımiz be? Osyndaı qasiretterdi basynan ótkerip otyrǵan elder men memleketter bar ǵoı. Olar kezinde osy jáıitterdi eskermeı, búgin san soǵyp otyr. Sony bizdiń qasıetti jerimizde boldyrtpaýǵa atsalysyp, aldyn-ala qajetti is-sharalardy júzege birlesip asyraıyq. Osy turǵysynda Siz basqaratyn Úkimettiń tarapynan oılastyrylǵan úlken memlekettik baǵdarlama qabyldansa, óte durys bolar edi. Áıtpese, biz, arsyzdyq jaılaǵan elge aınalyp ketý qaýibimiz bar.
Biz buny Sizge osyndaı úlken qaýiptiń aldyn alaıyq, degen nıetpen joldap otyrmyz. Osy jóninde Sizdiń tapsyrmańyzdyń aıasynda , tıisti mınıstrlik zıaly qaýymnyń qatysýymen "dóńgelek ústel" negizinde úlken májilis ótkizýi kerek dep esepteımiz.Bul bas qosý jıynynyń taqyryby: «Bizge qandaı týrızm kerek?!». Biz sonda usynystarymyz ben pikirlerimizdi tolyq jetkizemiz». Sizderden naqty jaýap tosamyz.
*** *** ***
Qurmetpen,
«Uly Dala Qyrandary» respýblıkalyq qoǵamdyq áleýmettik - mádenı qozǵalysynyń teń tóraǵasy, QR Eńbek sińirgen qaıratkeri, jazýshy
Sádibek Túgel
