Qazaqstan Áskerı-áýe kúshteriniń áýeaılaǵyna jańa soqqy beretin Mı-35M tikushaǵy ákelindi dep habarlady Qorǵany mınıstrligi.
Tórt kóp maqsatty soqqý berýshi Mı-35M tikushaǵy alǵash ret Qazaqstan Áskerı-áýe kúshteriniń qarý-jaraq qataryna qosylyp, elimizdiń ońtústigindegi turaqty mekenine jetkizildi. Ákelingen tikushaqtar legin paıdalaný elimizdegi Áskerı-áýe kúshteriniń urys qabiletin arttyrýǵa múmkindik beredi. Ushqyshtar quramy qaıta oqýdan ótip, avıasıaǵa ákelingen jańa tehnıkany ushýda synap kórýge daıyn. Atalǵan Mı-35M tikushaǵynyń bıik ushý-tehnıkalyq sıpattamasy bar, ol joǵary temperatýra jaǵdaılarynda men bıik taýlardan ushýdan qoldanýda jaqsy nátıje beredi. Bul tikushaq jaı jáne qolaısyz aýa-raıynda basqarylatyn jáne basqarylmaıtyn qarý-jaraqty urysta táýlik boıy qoldanýdy qamtamasyz etedi, sondaı-aq kózdegen maqsatyna kúndiz 10-25 metr bıiktikte ushýdy, al túnde keminde 50 metr bıiktikte ushýdy oryndaı alady.
Mı-35M tikushaǵynyń navıgasıasy men elektrondy ındıkasıasynyń zamanaýı keshenmen jabdyqtalýy osyndaı tapsyrmalardy oryndaýǵa múmkindik beredi. Budan ózge, urys mashınasynyń shabýyldan qorǵaný kesheni men qosymsha opsıalary bar. Mı-35M taǵy da bir artyqshylyǵy onyń qurylysynyń jetiktiginde, ıaǵnı tikushaq akýstıkalyq belgilerin tómendetip, urysqa shydamdylyǵyn arttyrady, sondaı-aq tehnıkalyq qyzmet kórsetýdegi qıyndyqtardy tómendete alady. Negizgi soqqy beretin qyzmetterinen ózge, Mı-35M tikushaǵy jeke quram men júkterdi tasymaldaý, medısınalyq qyzmetkerlermen qosa syrqattar men jaralylardy alyp júrý úshin paıdalanylady. Qazaqstan men Reseı arasyndaǵy áskerı-tehnıkalyq yntymaqtastyq, sondaı-aq QR Qorǵanys mınıstrligi men Rosoboroneksport kásipornynyń arasyndaǵy shart aıasynda tikushaqtardy jetkizý júzege asyrylǵanyn aıta ketken jón.
