Jer máselesimen toqal daýyna bir iligip, keıinnen ýaqytsha tirkeýge baılansty karıkatýraǵa ushyraǵan ataqty ánshi ári prodúser Qydyráli Bolmanov 2016 jyldyń jazynda Reseıde «Balbala» qýyrshaqtaryna qatysty dısertasıa qorǵap, PhD doktory degen ataq alǵan bolatyn. Al kesheden beri qazaqstandyq BAQ betterinde Qydyráli Bolmanovtyń bul ataqty alǵanyn ótirikke balap, reseılik ǵalymdardyń mundaı aqparatty joqqa shyǵarǵany týraly shý kóterilip, qoǵamda biraz talqyǵa tústi. Qydyráli Bolmanovtyń basy taǵy daýǵa iligip, nazarǵa ilindi. Ózine jabylǵan jalaǵa qatysty prodúser áleýmettik jelige óz pikirin jazyp, jaýap berdi. Sonymen qatar dálel retinde vıdeo júktegen.
"Assalaýmaǵaleıkúm Qazaq Eli! Mynaý jasalyp jatqan ( Ýchebno-metodıcheskıı kompleks ) jóninde baıandamadan úzindi. Reseıde stoldyń japqyshynda "Akademıa Estestvoznanıa"-dep jazylyp tur. Iaǵnı Rossııskaıa Akademıa Estestvoznanıa. Jáne Mejdýnarodnaıa Akademıa psıhologıı,-prezıdenti Reseı Akademıgi V.V. Kozlov. Osy eki Akademıa maǵan Doktor PhD, psıhologıa ǵylymdarynyń kandıdaty ataǵyn berdi.Birneshe jyl jazyp, 2015 jyly ǵylymı dısertasıa qorǵadym. Qorǵaý aldynda birneshe Memlekette baspasóz betinde maqalalarym shyqty. Dısertasıa taqyryby: "Formırovanıa elementov etnıcheskogo samosoznanıa lıchnostı doshkolnıka". Gakký arnasy dısertasıa qorǵaýynda bolǵan... Qazirgi daý kóterip otyrǵan adamdar Rossııskaıa Akademıa Naýk, RAN-nan meniń famılıamdy surastyrǵan. Biraq olar RAE-den emes,RAN-nan, basqa Akademıadan suraǵan. RAE-den surasa, meniń famılıam tirkelgen. Nege olar tirkelgen, dısertasıa qorǵalǵan jerden suramaıdy? Atalmysh Akademıalardyń barlyǵy Reseılik. Al men Ǵylym jolynda júrgen adam emespin. Memlekettik qyzmette joqpyn. Eshkimniń basyn jaryp, kózin shyǵarmappyn. Meniń jumystarymnan Eshkim zıan shekpepti. Allaǵa sansyz madaq! Basty Nıetimiz "Metodıkalar" qısyq bolyp ketpeý úshin,ǵylym negizinde jasap shyǵarýdy uıǵaryp, ǵylymnyń terezesin qaqtyq. Úlken ǵalymdarmen aqyldasyp otyryp, keregin aldyq. Eń bastysy tek dısertasıa emes, eń bastysy - ónim bar! Ýebno-metodıcheskıı kompleks Balbala Bilim Mınıstrliginiń attestasıalarynan ótken ( Prıkazom #515 ot 10.12.2014 goda Mınısterstva obrazovanıa ı naýkı RK my voshlı v perechen ýchebnıkov ı ýchebno-metodıcheskıh kompleksov, razreshennyh k ıspolzovanıý v organızasıah obrazovanıa.) Ol da bar. Qazaqstan boıynsha laboratorıalyq tekserýden ótetin oıynshyqtar - tek qana Balbala. Barlyq tazalyqqa qatysty sertıfıkattardyń bári bar. Eger meniń ǵana dısertasıam óte mańyzdy "qaýip" tóndirip turǵan bolsa, qaıtalap, damytyp Qazaqstanda da dısertasıa qorǵaýǵa daıynmyn. Taqyrypty eshkimnen urlap almadym.Taqyrybym tyń, 25 jyl ishinde buryn-sońdy menen basqa eshkim oqý-ádistemelik qural túgili, qazaqsha án aıtatyn, qazaqsha sóıleıtin oıynshyq ta jasamaǵan. Sonda osynsha shý ne úshin? Kimge qajet? Elimizdiń damýyna qandaı paıdasy bar? Siz qalaı oılaısyz,ár Qazaǵym jalǵyzym?" - deıdi ánshi.
