Almaty qalasyndaǵy Ál-farabı 128 a mekenjaıy boıynsha «Suńqar» shańǵy tramplıni halyqaralyq keshenine qarama-qarsy turǵan, qurylysy áli aıaqtalmaǵan ǵımaratqa esik-tereze beınelengen, tipti kúnniń sáýlesi baıqalatyndaı tent (japqysh) ilip tastaǵan dep jazady krisha.kz-tiń jýrnalısi Danıl Pavlenko.

Alystan qaraǵan adam qurylysy aıaqtalǵan ǵımaratty kóre alady, alaıda jaqyndaı kele matanyń arasynan qurylys ormanyn baıqaýǵa bolady.

Aýmaqta kúzetshiden basqa eshkim bolmaı shyqty. Qurylys jumystary ǵımarattyń ishinde júrgizilmegen.

Abaı 42 (Baıtursynov kósh.qıylysy) mekenjaıynda ornalasqan bos turǵan kazınony da osyndaı ádispen retke keltiripti. Maqsattary – kútimsiz, qaraýsyz qalǵan jaman ǵımarattyń túrin jarnamalyq plakattar arqyly ádemileý.

Qala kórkiniń qamyn jegender shyn máninde sony maqsat tutty ma, álde Ýnıversıada-2017-ge qyzý daıyndalǵandary ma?