Kóptegen adamdar ýaqytyn jaqyndarymen, dostarymen jaǵajaıda, teatrda, kórmede, kınoda ótkize alatyn jaǵdaıy bar. Álemdegi qarapaıym adamdar kún saıyn qalaǵanyn isteı alady.

Biraq keıbir adamdardyń buǵan da qoly jete bermeıdi. Basqalarynyń kómeginsiz qol jetkize almaıdy.

Naýryz aıynda Sharko dertine shaldyqqan 78 jastaǵy áıeldiń sýreti jelide tanymal boldy. Biraq nazaryn aýdartqan onyń derti emes. Sýrette aty belgisiz kúıinde qalǵan áıeldiń óler aldyndaǵy sońǵy tilegi bolǵan Amsterdamdaǵy Reıksmúzeým mýzeıinde Rembrandtyń kartınasyn tamashalap turǵan sáti.

Onyń sońǵy tilegin oryndaǵan jergilikti Stichting Ambulance Wens Nederlands atty uıym (Tilek oryndaıtyn uıym).

Bul qaıyrymdylyq qory aıyqpas dertke shaldyqqan adamdardyń óler aldyndaǵy tilegin oryndaýǵa arnalǵan uıymdy 2007 jyly jedel járdem júrgizýshisi Kıs Veldboer qurǵan. Ol eriktiler men jeke jedel járdemniń kómegi arqyly iske asyrylady.

Óler aldynda qaıtadan qaıyqpen teńizge shyǵýdy armandaǵan teńizshiniń jalǵyz ǵana tilegin oryndaǵannan keıin Kıs Veldboerǵa osyndaı uıym ashýyna túrtki bolady. Jáne solaı istedi de, Kıstyń jańa jumysy – adamdardyń tilegin oryndaý.

Qor ólim aýzynda jatqan adamdyń kez kelgen tilegin oryndap, kómek kórsetedi.

Kıstyń qory qurylǵannan bastap, onyń komandasy 7000 tilekti oryndaǵan. «Men jaqyn arada qaıtys bolatyn adamǵa kóp nárse kerek emes ekenin, olardyń tilekteri de shaǵyn bolatynyn bildim», – deıdi.

Bizdiń eń qart emdelýshimizdiń jasy 101-de edi. Ol sońǵy ret jylqynyń ústine otyryp, serýendegisi kelgen. Biz ony at ústine otyrǵyzdyq – onyń qýanyshynda shek bolmady, hanshaıymdar sıaqty árkimge qol bulǵap otyrdy. Keremet tilek bolǵan edi!», – dep eske aldy Kıs.

«Bizdiń maqsat – emdelýshiniń sońǵy ýaqyttaryndaǵy ómirin jaqsartý. Sońǵy tilekterin oryndaý arqyly álemdi kishkene bolsa da – jarqynyraq etý», – dep jazylǵan uıymnyń veb-saıtynda.