ShadowTeam hakerler toby Almaty qalalyq máslıhatynyń resmı saıtyna hakerlik shabýyl jasaǵan. Bul týraly Facebook jelisinde Kıbershabýyldardy tergeý jáne saraptama ortalyǵynyń ókilderi jarıalady, - dep habarlaıdy Tengrinews.kz tilshisi. 

Ortalyq mamandarynyń aıtýynsha, saıt CMS DLE eskirgen nusqasymen jumys istep kelgen. "Sonymen qatar, CMS kóshirmesi zańsyz, bul týraly basty saıttyń betindegi shablon dáleldeıdi. Búginde ózekti bolyp 11,2 nusqasy paıdalanylady, bul degenimiz saıt ıeleriniń qaýipsizdik máselelerine salǵyrt qaraýy jáne ornatylǵan CMS qurylǵysyn jańartyp otyrý júzege asyrylmaǵan. Osy sebepti tirkelmegen qoldanýshylar saıtqa kire beredi", - delingen qoǵamdyq uıymnyń habarlamasynda.

Sonymen qatar, mamandardyń aıtýynsha, ShadowTeam hakerler toby 28 qańtarda gov.kz aıasyndaǵy saıttarǵa jappaı kıbershabýyl jasaǵan, sonyń ishinde Soltústik Qazaqstan óńirindegi aýdandardyń memlekettik saıttaryna, SHQO tabıǵı resýrstar departamenti (http://www.e-priroda.gov.kz/) jáne Almaty oblysynyń ekonomıka jáne búdjettik josparlaý basqarmalarynyń (www.alplan.gov.kz) saıttary da bar. Osy atalǵan saıttardyń barlyǵynda da buzyp kirý deregi boıynsha, eshqandaı da shara qoldanylmaǵan. 

"CERT.KZ (SARKA) mamandarynyń oıynsha, serverdiń ornalasqan jeri ıaǵnı osy saıttardyń ornalasqan jeri - 82.200.247.240 ("Qazaqtelekom" AQ), sondaı-aq Almaty qalalyq máslıhatynyń saıty da kiredi", - delingen habarlamada.