Qaraǵandy oblysynda HQKO basshylyǵy jalǵan vıdeo taratýshylardy izdestirip jatyr. Áleýmettik jelilerde tarap jatqan vıdeoda premer-mınıstr Baqytjan Saǵyntaev, Qaraǵandy oblysyndaǵy HQKO departamentiniń basshysy Tileýbaı Qusaıynov pen departamenttiń qyzmetkerleri túsirilgen. Departamenttegilerdiń aıtýynsha, bireýler vıdeorolıkti montajdaǵan. Osyǵan baılanysty qazir montaj avtory izdestirilip jatyr, - dep habarlaıdy Tengrinews.kz tilshisi.
Vıdeorolık Saǵyntaevtyń azamattarǵa arnalǵan korporasıa qurý týraly sózinen bastalady. Sodan onyń bul sózine departament basshysy Qusaıynov 1 qańtardan bastap HQKO-nyń "Tamasha ǵylymdar ortalyǵy" dep ózgertiletinin aıtyp, "jaýap beredi". Sondaı-aq, rolıkte Mannequin Challenge fleshmoby túsirilgen.
Aıta keteıik, departament ókilderi Tengrinews.kz tilshisine bul vıdeonyń qalaı túsirilgenin aıtyp berdi. Vedomstvonyń málimetinshe, áleýmettik jelilerde tarap jatqan vıdeo montajdalǵan. Olardyń aıtýynsha, vedomstvonyń 10 jyldyǵyna arnaıy Mannequin Challenge fleshmoby túsirilgen vıdeo qatty ózgertilgen.
"Mannequin Challenge 2016 jyly túsirilgen bolatyn. Bul fılm kólemi jaǵynan óte úlken, kásibı túsirilgen. Fılmniń uzaqtyǵy 17 mınýttan aspaıdy. Biz onda qyzmetkerlerimizdiń jumys ýaqytynda ózderin qalaı ustamaýy qajet ekendigin kórsetkimiz keldi. Barlyǵy da bizdiń alty kún tańǵy saǵat 8.00-den keshki saǵat 20.00-ge deıin jumys isteıtinimizdi biledi. Ol ońaı emes! Bul kadrlardyń bireýlerdiń qolyna qalaı ǵana túskenin bilmeımin. Olar vıdeony montajdap, barlyǵyn ózgertip tastaǵan. Qazir biz osy máselemen aınalysyp jatyrmyz. Keıinirek quqyq qorǵaý organdary men zań aıasynda sol adamǵa qatysty jaza taǵaıyndalady", - dedi Qaraǵandy oblysyndaǵy HQKO departamentindegiler.
