Tanymal ánshi Vıtas qazaq tilinde Qazaqstan jurtyna lebizin jetkizdi. Ol Instagram paraqshasynda bylaı dep jazdy. 

Esterińizge sala keteıik, Vıtas óz ánin oryndaǵan Dımash Qudaıbergenniń ústinen aryzdanǵan bolatyn.  Vıtas Dımashtyń «Opera-2» ánin oryndaýyna baılanysty Watson&Band advokattar alqasyna shaǵymdanyp, aryzda Dımash Qudaıbergenniń budan keıin kez kelgen sahnada, kez kelgen konsertte Vıtastyń birde-bir ánin oryndamaýy talap etilgen.
 

Alaıda, avtorlyq quqyqtar jónindegi sarapshy Temirlan Tólegenov bolsa Vıtas óz ánderiniń baıqaýlarda oryndalýyna tyıym sala almaıdy degen pikirdi aıtqan. "Ádette konkýrstarda mundaı tyıymnyń kúshi joq. Sondyqtan konkýrstarda kez kelgen ándi oryndaı berýge bolady. Alaıda mundaǵy másele quqyqty kimniń qorǵaıtynynda bolyp otyr. Máselen, belgili bir fılm túsirgińiz keldi delik. Oǵan áýen tańdaǵanda avtorynan ruqsat surap, syıaqysyn tóleısiz - bul avtorlyq quqyqtyń saqtalýy. Oǵan belgili mýzykanyń jarnamada qoldanylýy da jatady. Ádette, meniń bilýimshe, SuperStar.kz sıaqty baıqaýlarda lısenzıalaryna sáıkes, ne mýzykalyq baspalarmen, ne avtorlyq uıymdarmen kelisim jasalady. Osy mýzykalyq materıal quqyq ıelerine tólem jasalǵannan keıin berilýi qajet. Sondyqtan, meniń bilýimshe, bul konkýrstardyń qarapaıym prosedýrasy", - deıdi Tólegenov.