Satylymnan túsken qarajatty tanymal oryndaýshy jergilikti balalar úıine aýdarmaqshy.

Reseılik shoý bıznestiń juldyzy, tanymal oryndaýshy Tımatı Petropavl qalasynda aıyppul turaǵynda on jyldan astam ýaqyt boıy turǵan sporttyq kóligin satyp, túsken aqshany balalar úıine qaıyrymdylyq retinde bermekshi dep habarlaıdy Sputnik Qazaqstan tilshisi.

"Tamasha kólik! – dep baǵa beredi aıyppul turaǵynyń qyzmetkeri. – 2006 jyldan beri osynda tur, jaqsy saqtalǵan! Akýmýlátoryn qýattap, kete berseń bolady, birden júrip ketedi. Áıtpese, kólikke obal, munda qur eskirip tur"

BAQ bul kólik týraly biraz shýlasqannan soń Tımatı da oıyn bólisýge sheshim qabyldapty. 4 aqpan kúni mýzykant Instagram paraqshasynda bul máseleni birjaqty qylǵysy keletindigin aıtty.

"Barlyq qujattarǵa qol qoıýǵa daıynmyn. Petropavl qalasy aıyppul turaǵynyń basshysynan kólikti tezirek satyp, qarajatty jergilikti balalar úıine jiberýdi suraımyn. Bizdiń baspasóz keńsemizben tez arada habarlasyńyz. Qazaqstandaǵy ókilimiz saýdany uıymdastyryp, kelisimsharttyń ádil túrde jasalýyna kómektesedi. Rahmet", — dep jazady Tımatı.