Reseı tarapy shyǵys Ýkraınaǵa jibergen júk kólikterdiń Kıevtiń ruqsatynsyz Ýkraına terıtorıasyna kirýin Batys elderi: «Ýkraına qaýipsizdigine tikeleı tóngen qaýipti ulǵaıtty»,- dep aıyptap otyr.

«Reseı « Gýmanıtarlyq kómeginiń» Ýkraına bıliginiń kelisiminsiz shekaradan basa kókteı kirýi Ýkraınanyń «ashyq shapqynshylyqqa ushyraýy» bolmaq»,- deıdi NATO tarapy.

NATO bas hatshysy Anders Fog Rasmýssen Reseıdiń artılerıalyq qoldaýlary shyǵys aýmaqtaǵy soǵysyp jatqan ýkraın kúshterine tótep berý úshin jasalyp otyrǵan sharýa ekendigin aıtady. Al, Pentagon ókili Djon Kırbı Reseıdiń munysynyń zańsyz basyp kirý dep sanaıdy.

«Bul Ýkraına taraptyń ruqsatynsyz jáne Qyzyl Krestiń aralasýynsyz jasalǵan ashyq zań buzýshylyq áreket»,- deıdi Rasmýssen. Onyń aıtýynsha, Reseıdiń bul qylyǵy onysyz da ýshyǵyp turǵan óńirdegi daǵdarysty tipti de asqyndyryp otyr.  

«Reseı halyqaralyq kelisimderdegi ýádelerine, ásirese, jaqynda ǵana Berlındegi jáne Jenevadaǵy bergen ýádelerine aýyr dárejede qıǵashtyq jasap otyr. Oǵan qosa, Ýkraınanyń egemendigine qol suǵyp otyr... Reseı ózi jandyryp, ózi úrlegen shoqty tipti de qozdyrýda. Halyqaralyq prınsıpterdi osylaı kópe-kórneý buzýynan-aq, Reseı shynynda ondaǵy halyqqa kómek bergeli júr me, joq álde, ondaǵy qarýly separatısterge kómegin jalǵastyrǵysy kep júr me degen suraq týyndaıdy»,- deıdi NATO hatshysy.

«Onyń ústine, biz tankterdi, bronetransporterlerdi jáne artılerıalardy qamtyǵan joǵary qýatty qarýlardyń shyǵys Ýkraınadaǵy separatıstik toptarǵa jiberilgenin kórip otyrmyz»,- deıdi Anders Fog Rasmýssen.

Derekkóz: Reıter Agenttigi.

Daıyndaǵan: Sanat Naqqazaq.