Sırıa azamaty Iaser Alezaldın 5 balasymen deportasıalanady dep habarlaıdy kazinform.kz. Aqparat portalynyń jazýynsha, Iaser Alezaldın óziniń bosqyn ekenin Qaraǵandy oblystyq sot ınstansıalaryna dáleldeı almaǵan. Al onyń jubaıy Qazaqstan azamatshasyna deportasıa úkimi júrmeıdi. Sot úkimi boıynsha Ia. Alezaldın men 18 jasar uly bosqyn dep eseptelmedi.
Qaraǵandy oblystyq soty birinshi sot ınstansıasy «Bosqyndar isi jaıly» zańnamaǵa sáıkes Sırıa turǵynynyń ótinishin qabyldamaı otyr.
Iaser Alezaldın 5 balasymen jáne jubaıy Sandýǵash Raısovamen Qaraǵandydaǵy týystarymen turyp jatyr.
1997 jyly qazaqstandyq azamatsha Sandýǵash Raısova sırıalyq Iaser Alezaldınmen Qazaqstanda tanysyp, otbasyn qurǵan. Keıin ekeýi Sırıaǵa kóship ketken. 2015 jyly Sırıadaǵy úıleri soǵys áreketteri barysynda bombalanyp, qırap qalǵan. Qaraǵandyǵa týysqanynyń úıine qonaqqa kelgen S. Raısova búgin otbasymen qıyn jaǵdaıda ekenin jetkizdi. Kúıeýi men uly kez-kelgen ýaqytta deportasıalanýy múmkin.
