Jańa Toyota Camry avtokóligi  Óskemenniń "Halıfa Altaı" meshitiniń ıgiligine qyzmet etpek.

Aǵymdaǵy jyldyń qańtarynda óńir bashysynyń oblystyq meshittiń jumysymen tanysýy barysynda bas ımam Ermek qajy Muqataı aýdandardy aralaý úshin avtokólik qajettiligin jetkizgen. Sol kezde Danıal Ahmetov búdjettik emes qarjy kózderin tarta otyryp, atalmysh máseleni sheshýge qoldaý kórsetetinin aıtqan bolatyn.

Búgin aımaq basshysy "Halıfa Altaı" meshitine arnaıy baryp, jańa Toyota Camry avtokóligin tabystady.

Danıal Ahmetov kólikti alýǵa qoldaý kórsetken «Óskemen qurylys» kompanıasynyń dırektory Erjan Ysqyqovqa alǵysyn bildirdi.

Sonymen qatar, oblys ákimi bıylǵy kóktemde meshit ǵımaratynyń astynda ornalasqan kólik turaǵynyń tóbesinen sý aǵýdy toqtatý úshin jóndeý jumystary bastalatyndyǵyn aıtty.

Oblys ákiminiń baqylaýǵa alǵan taǵy bir máselesi – meshittiń janynan 50-60 oryndyq medrese salý bolatyn. Danıal Ahmetov qalalyq ákimdikke medrese ǵımaraty úshin meshittiń janynan jer bólýdi tapsyrdy.