Kimge de bolsyn Tek kerek,
Jáne de namys, Ot kerek!
AQSH-ta shtat Delaver
Qanat pen Robson - jekpe-jek...
Es jıýǵa da bermedi,
Senimmen dáldep sermedi...
Qas-qaǵym sátke jetkizbeı,
Ultymnyń uly erledi!
Bizdiń ul typ-tyń qur attaı,
Al, oılar – móldir bulaqtaı...
Qanat er - Robson Assısti
Tandyra esten qulatty-aı!..
Qaı synǵa daıyn, bekem-di,
Al, boıda qaırat jeter-di!
Taǵy da Qanat Islam -
Qazaǵyn kókke kóterdi!
Jurt uıyp qazaq áýenge,
Bas ıip ulttyq sálemge,
Qazaqtyń Týyn – Ult Tilin,
Tanytty Qanat álemge!..
Jyltyryn emes syrtynyń,
Oılaıtyn jáıin jurtynyń,
Ár Qazaq, bizdiń Qanattaı,
Bolsa ǵoı uly Ultynyń?
Jeńisten turǵan ár isi,
Ultymnyń tekti arysy,
Qanattaı bolsa, arman ne,
Qazaqtyń Ulttyq Namysy!..
Avtory: Jumash Kenebaı
