Tájikstan prezıdenti ulynyń jasynda qalanyń ákimi emes, keńes sharýashylyǵynyń dırektory bolǵanyn aıtyp, óz tájirıbesinen 5 aqyl aıtty.

Qańtar aıynda Tájikstan prezıdenti Emomalı Rahmon ulyn Dýshanbeniń ákimi etip taǵaıyndady. 30 jasqa tolmaǵan Rýstam Emomalı TMD elderiniń astanasyna ákim bolyp taǵaıyndaldy. Bul jaıynda informbburo.kz jańalyqtary habarlaıdy.

Prezıdenttiń ulyna bergen alǵashqy aqyly «árdaıym talapshyl» bol deıdi.

«Ózińniń bergen buıryqtaryńnyń oryndalýyn jıi qadaǵala. Sen jassyń, óte jassyń. Men seniń jasyńda keńshar dırektory bolǵanmyn», - dedi Emomalı Rahmon.

Odan keıin Tájikistan basshysy ulyna táýelsiz, ári óz betinshe sheshim qabyldaı alatyn azamat bolý kerek ekendigin aıtty.

«Seni eshkim qyspaqqa ala almaıdy. Saǵan eshkim buıyryp sólep, jumys tapsyra almaıdy. Sol úshin de basqasyn emes, seni taǵaıyndadym», - dep  sózin jalǵastyrdy.

Úshinshi aqyly –  halyq úshin baǵany tómenedetý. Prezıdent uly Rýstam Emomalıǵa halyqty laıyqty jumyspen qamtamasyz etýge shaqyrdy.

Eshqashan da óz jumysshylaryna dórekilik tanytpaı, olarmen ádepti, sypaıy bolýyn tórtinshi aqyly retinde aıtty.

Eń sońynda, ákimge iskerler úıinde tústenbeýin eskertti.

«Meıramhanalarǵa barma. Jumysshylardyń, qarıalardyń, jetim-jesirlerdiń úılerinde tústen. Olar seni qýana qarsy alady. Qolyndaǵy barymen dám tattyrady. Úılerine ákimniń kelgeni – qarapaıym halyq úshin úlken mártebe», - dep aqylyn aıaqtady Emomalı Rahmon.

Dýshanbenyń burynǵy ákimi Mahmadsaıd Ýbaıdýllov 19 jylǵy eńbeginen soń qyzmetten bosatylǵan edi.

Jańa ákim Rýstam Emomalı buǵan deıin Qarjy jáne sybaılas jemqorlyqqa qarsy kúres agenttiginiń basshysy qyzmetin atqarǵan. TMD elderi boıynsha ol eń jas general.

2016 jyly Tájikstan prezıdenti azamattardyń 30-35 jas aralyǵynan bastap prezıdenttikke úmitker bola alatyny jaıynda zań qabyldaǵan. Sarapshylardyń oıynsha, Emomalı Rahmon óz ulyn el basqarýǵa daıyndamaqshy. 2020 jylǵy saılaýda Rýstam Emomalıdyń jasy 33-te bolady.