Qyrǵyzstan prezıdenti Almazbek Atambaev Euronews telearnasyna suhbat berdi. Suhbat barysynda jýrnalıs Qyrǵystannyń Eýrazıalyq ekonomıkalyq odaqqa kirýi týraly suraq qoıdy.  

«Bul odaq Reseıdiń múddesin kóp oılaıdy dep oılamaısyz ba? Lýkashenko  Belorýssıa EOE kirgennen eshteńe utpady degen edi. Sol sekildi qıyn jaǵdaıda qalamyz dep qoryqpaısyz ba?» dep surady jýrnalıs.

«Biz Eýrazıalyq ekonomıkalyq odaqqa kirmesek blokada (oqshaýlaý-redaksıa) qaýpi tóndi. 2010 jyly Qazaqstan bizge 1,5 aıǵa blokada jasady. Bizde tipti adam shyǵyny boldy. Blokada degenimiz jaqsy nárse emes. Eger bizge balamasyn usynsa, qaısysyn tańdaımyz. Aýǵanstan ba? Biz tipti búgin Eýro Odaqqa kirýge daıynbyz. Man ony usyndym da. Alaıda maǵan ashyq túrde ortaq shekaramyz joq ekenin aıtty. Sonda neni usynasyńdar? Bizde 6 mıllıon halyq turady. Barlyǵynan oqshaýlanyp, jýnglıde júrgendeı ómir súreıik pe? Damý úshin bizge naryq kerek» dedi Qyrǵyzstan prezıdenti Almazbek Atambaev.

Telearna jýrnalısi suraǵyn naqtylap, saýaldy qaıta qoıdy. «EEO eń aldymen Reseıdiń múddesine jumys isteıdi dep oılaısyz ba?».

«Men bilmeımin. Múmkin Reseı nemese Reseıdiń basshylary solaı qalaǵan shyǵar. Biraq qazir bul odaqtastyq tıimdi. Máselen Qyrǵyzstanǵa. Nege? Mysal keltireıin. Reseıde bizdiń jarty mıllıonnan astam eńbek mıgrnattarymyz bar. Keıbiri 20-30 jyl boıy sonda turady EEO kirgennen keıin olarda óz quqyǵy paıda boldy. Oǵan deıin olar qul sıaqty  boldy. Qazir bizdiń eńbek mıgranttarymyz jumysqa tura alady» dedi Atambaev.

Qyrǵyzstan 2015 jyldyń tamyz aıynda EEO kirdi.