Reseı memlekettik dýmasy gomoseksýalızmdi nasıhattaýǵa qarsy zańdy ótken jyly maquldap jiberdi. Sol sebepti birqatar aımaqtarda birjynystylardyń tarapynan qarsylyq aksıalary ótti. Dese de qazir tártip rettelip keledi, sebebi zań bar. Ýkraına úkimeti atalmysh zańdy 2012 jyly qabyldap qoıǵan edi. Belorýssıa úkimeti de aıanyp qalaıyn dep otyrǵan joq. Qazirgi ýaqytta talqylaý jumystary júrýde. Ózbekstan zańy da qatal. Endigi kezekte Qazaqstan batyl áreket ete bilýi kerek.

Qarap otyrsaq, bul taqyryp ýaqyt ótken saıyn bizdiń elde de ózekti bolyp barady. Jaǵdaı burynǵydaı emes, ózgerdi. Ózgergende qalaı ózgerdi. Jarnama jumystarynan bólek, balalarǵa kúsh kórsetý arqyly aram oıyna jetý oqıǵalary beleń aldy. Munyń bári de shekten shyqqandyqtan bolyp otyr. Endi ondaılar ózderiniń las saıasatyn jandandyra túsý maqsatynda tulǵalarymyzdyń esimderin paıdalana bastady. Osy sebepti bizdegi Parlament depýtattary men Úkimet músheleri eldiń ishindegi ahýalǵa nazar aýdaryp, naqty ári batyl áreketterge kóshý kerek dep oılaımyn.

Osy rette aıta ketken jón, Májilis depýtaty Aldan Smaıyl bul máseleni birneshe jyldan beri bekerden-beker kóterip júrgen joq. Biraq jalǵyzdyń úni qaıdan shyqsyn. Minekı, bir ýaqyt nazar salyńyzshy:

- «Erkek pen erkektiń, áıel men áıeldiń úılenýi, bir-birimen jynystyq qatynas jasaýy – onyń quqy degenge qalaı kónesiń?! Fransıada, sol sıaqty álemniń 11 elinde bul soraqylyq zańdastyrylyp ketti. Sonyń áseri bizge de jetti. Almatyda birneshe geıklýbtar bar. Astanada 4 geıklýb ashyqtan-ashyq jumys istep jatyr. Oblys ortalyqtarynda ashylýda. Ókinishtisi, soǵan kirip ketken qazaq jastary da bar. Osynyń aldyn alý úshin «Teleradıo habarlaryn taratý týraly» Zańǵa dástúrli emes seksýaldyq baǵdardy nasıhattaıtyn aqparatqa tyıym salý týraly normany engizip otyrmyz ázirge. Biraq bul jetkiliksiz.

Taıaýda Májiliste Qylmystyq kodekstiń jańa redaksıasy qaraldy jáne maquldandy. Men sol kodeks jobasyna eki usynys berdim. Birinshisi – geıklýbtardyń qyzmetin búkil Qazaqstan aýmaǵynda zańsyz dep tanyp, jabý, ekinshisi – bir jynysty qatynastarǵa baratyn adamdardyń bul áreketin qylmys dep qaraý, soǵan baılanysty jaza qoldaný. Ekeýi de ótken joq. Nege deseńiz, «halyqaralyq qaýymdastyq solaı deıdi, EQYU bulaı deıdi» degen syltaýlar aıtyldy. Biraq túbinde biz bulardy jabýymyz kerek! Ekonomıka seniń aryńnan, uıatyńnan, halqyńnyń dástúrinen, keleshek urpaqtyń ımandylyǵynan qymbat emes! Oılańyzshy, er balańyz erteń bir jigitti úıge alyp kelip: «mynaǵan úılenem»,- dep tursa, masqara emes pe?!

Meni qynjyltatyny – qazaq qoǵamynyń salǵyrttyǵy. Osy máseleni el bolyp, jurt bolyp kóterý kerek qoı. Zıaly qaýym naqty talaptar qoıyp, málimdeme jasasa, «Biz urpaǵymyz úshin alańdaımyz»,- dep aıqaılap turyp aıtsa ǵoı. Onyń ornyna, «Bul máseleni sizder kótergen ekensizder, jaraısyzdar, qostaımyz» deıdi de, qamsyz júre beredi. Rýhanı tazalyq jolynda ymyrasyz kúres kerek!»

Toqsan aýyz sózdiń tobyqtaı túıini – adam balasynyń bolmysyna jat mundaı áreketterge der kezinde tosqaýyl qoıylmasa bereke-birligimiz ydyrap, salamatty, baı-qýatty el bolýdan qalamyz. Olaı bolmasyn desek zań kerek. Qur sóz emes, naqty áreketterdiń ýaqyty keldi, aǵaıyndar!

 Azamat Bıtan (jeke blogynan)