bbc.com agenttiginiń habarlaýynsha, eki jaqty bitimge qaramastan Donbasta soǵys qımyldaryn toqtatý rejımi múlde engizilmegen. Tek oq jaýdyrý sırep qalǵan. 18 aqpanda  Ýkraına shyǵysyndaǵy jaǵdaıdy retteý máselesi boıynsha  kelisimge qol qoıylǵan. Bul kelisimdi kelesi kúni Reseı, Ýkraına, Fransıa men Germanıa syrtqy ister mınıstrleri qoldaǵan.

Bitim  20 qańtardan bastap júzege asyp, kúshine ený kerek bolatyn.  Kelisimshart boıynsha  eki jaq qarý-jaraq quraldaryn el aýmaǵynan shyǵarý iske asyrylýy qajet bolǵan. Alaıda, qarý-jaraq áli de shyǵarylmaǵan.

Donbastaǵy ýkraına áskerı shtabynyń habarlaýynsha, saǵat keshki  18:00-degi jaǵdaı boıynsha   ýkraına armıasyna seperatıster tarapynan 40-qa jýyq oq jaýdyrylǵan.

Degenmen, ýkraına jaǵy reseılik sodyrlar aýyr, ári qaýipti  qarý-jaraq  quraldaryn, atap aıtqanda tank pen artılerıany qoldanystan shyǵarǵan.

Dúısenbi kúni Donesk «halyq respýblıkasy»-nyń komandırleriniń biri Edýard Basýrın  ýkraına áskerıleri saǵat 00:00-den oq jaýdyrýdy toqtatý rejımin buzbaǵan. Alaıda, onyń aıtýynsha kelisimshartqa qol qoımaı turyp, ýkraın armıasy separatısterge aýyr qarrý-jaraq qoldaný arqyly oq jaýdyrǵan.

 Eske salsaq, qańtardyń sońynda Ýkraına shyǵysynda jaǵdaı ýshyǵyp, Avdeevka qalasynyń mańynda soǵys qımyldary qaıta órshigen. Sonyń nátıjesinde eki jaqtyń da áskerıleri men beıbit turǵyndary zardap shekti. Ýkraına prezıdenti Petr Poroshenkonyń aıtýynsha, Avdeevka  gýmanıtarlyq   apat jaǵdaıynda qaldy. Qala turǵyndary elektr energıasynyń, sý men gazdyń joqtyǵyna narazy bolǵan.

Ýkraına men Reseı óz kezeginde bir-birin qaqtyǵystardyń shıelenisip ketkeni úshin aıyptady.  Poroshenko Reseıdi bildeı bir qalany tutqynǵa alǵan agresor dep aıyp taqsa, Reseı prezıdenti  Vladımır Pýtın jaýap retinde jaǵdaıdy ýshyqtyrǵan AQSH-tan aqsha alýdy maqsat tutqan Ýkraınanyń ózi dep aqtaldy.

aýdarǵan Nazerke Musa