Beısen Quranbek telearnalar men basylymdarǵa suhbat berýge jıi kelispeıdi, dep habarlaıdy Qazaqstan ulttyq arnasy.

Bul – ustanym ba, álde ózge de sebepteri bar ma?

«Aıtýǵa ońaıdyń» efırge shyqqanyna 5 jyl boldy. Baǵdarlama osy baǵytta qala ma, álde ózgerister bola ma?

«Kúndelikti usynylatyn habardy bir jyl úzbeı shyǵarýdyń ózi qıyn. Al bes jyl boıy taqyryp taýyp, kórermen joǵaltpaı ustap turý – qıynnyń qıyny. Doǵaraıyq dep jylda aıtamyn. Eldiń tilegi men nıeti, basshylyqtyń suraýy bolar, toqtamaı kele jatyr. Biraq ár nárseniń óz ýaqyty bar. Bizdiń qoǵamdaǵy turmystyq-áleýmettik máselelerdi ortaq qazanǵa salyp qaınatyp otyratyn báribir bir tok-shoý kerek»,  – deıdi jýrnalıs.

Belgili telejúrgizýshi, sondaı-aq otbasy, qyzmet, qyz bala tárbıesi týraly pikirlerimen bólisti.  «Adam ómirinde tepe-teńdik bolǵany durys. Otbasyn da, qyzmetti de qatar alyp júrý kerek. Basyńmen jumysqa kirip alý da  – qatelik. Burynǵydaı emes, qazir demalysqa ýaqyt tabýǵa tyrysyp júrmin.

Al qyz bala tárbıesine kelsek, olardyń bilimdi, tárbıeli, aqyldy bolǵany durys. Biraq munyń bári otbasynan joǵary turmaýy kerek», – deıdi.

Qoǵamǵa belgili tulǵa úlken qyzmetterden nege bas tartty?