Óz jumysyna kóńili tolmaıtyn, ári jumysyna barar jol naǵyz aýrtpalyq týdyratyn adamdar búgingi kúni jeterlik. Tipti, jumys orny úıine tıip turǵan jer bolsa da, barýǵa erinetinder kóp. Oqýshylar mektepke barmaýdyń jolyn izdestirip álek bolady.

Al, endi qytaılyqtardyń myna ómirine kóńil aýdaraıyqshy? Taý bókterinde ornalasqan Sychýan aýdanynyń turǵyndary ortalyqqa jetý úshin bıiktigi 800 metr bolatyn taýdy asyp ótedi eken. Úlken kisiler jumystaryna, oqýshylar mektepterine jetý úshin jarty saǵattaı ýaqyt alatyn baspaldaqtarmen júrip otyrady. Buryndary taý joly qazirgiden qaýiptirek bolǵan. Baspaldaqtary aǵashtan jasalǵan.

Qaýipti joldan ótý kezinde 7 adam kóz jumǵan eken. Taý baspaldaqtary – Atýler aýylynan ortalyqqa aparatyn jalǵyz jol. Kólik júretin jol múldem joq.

Aıta keterligi, nebári 72 otbasy ómir súretin aýylǵa eki ǵasyr ýaqyt bolǵan eken.   

Gúlim JAQAN