AQSH-tan 3-ret deportasıalanǵan meksıkalyq azamat Chaparrral atalatyn shekara pýnktinde óz-ózine qol jumsaǵan dep habarlaıdy qamshy.kz      bbc.com aqparat agenttigine  silteme jasap.

45-jasar Gvadelýpe Olıvasa Valensıany Meksıkaǵa oralǵannan keıin jarty saǵattan soń  sýısıd jasap esinen tanyp jatqan jerinen tabylǵan.  Aýrýhanaǵa birden jetkizilgen ol  birden tilge kelmesten  sol jerde kóz jumdy.

Kýágerlerdiń aıtýy boıynsha Valensıa sýısıd jasar aldynda Meksıkaǵa qaıta oralǵandyǵyn qalamaıtynyn aıtyp, jer kókke aıqaılaǵan. Azamattyń kúızeliste bolǵandyǵy anyq baıqalǵan. Meksıka bılik ókilderiniń málimdeýinshe, Valensıany AQSH-tan  3 -ret deportasıalaǵan.

Vashıngtondaǵy mıgrasıalyq saıasattyń qataldanýy aıasynda qabyldanǵan sheshimniń qurbany bolyp otyrǵan azamat D.Tramptyń «zańsyz mıgranttardy deportasıalaý» máselesi boıynsha qýǵyndalǵan.

AQSH tyń ishki ister qaýipsizdigi mınıstri Djon Kellıdiń málimdeýinde AQSH óz kezeginde  shekarany zańsyz túrde ótken adamdardy Meksıkaǵa jiberýge quqylymy. Al Meksıka Syrtqy ister mınıstrligi bul jaǵdaıdy aıaqsyz qaldyrmaıtynyn málimdedi.

Gvadelýpe Olıvas Valensıa Meksıkanyń Sınaloa shtatynda dúnıege kelgen. Bul shtat óziniń esirtki tasymaldaý men paıdalaný jıiligimen belsendiligimen tanylǵan. Kóptegen meksıkalyqtardyń aıtýy boıynsha, olardyń AQSH-qa kóship ketkisi keletin sebepteriniń bastysy óz otandaryndaǵy jeke bas qaýipsizdiginiń saqtalmaýy, zorlyq pen zombylyqtyń kóp bolýy, qylmystyq isterdiń jıi oryn alýy bolǵan.

25 qańtarda Tramp AQSH pen Meksıka shekarasynda eldi zańdastyrylmaǵan negizde kiretin bosqyndardan, esirtki tasymaldaýdan qorǵaıtyn  qabyrǵa salý týraly buıryqqa qol qoıǵan jáne atalǵan qabyrǵanyń 2 jyl ishinde salynyp bitetindigi aıyldy. 

Aýdarǵan:Nazerke Musa