Reseı prezıdenti Vladımır Pýtın men Ýkraına prezıdenti Petr Poroshenko Belarýs  astanasy Mınskide betpe-bet kezdesip, Ýkraınanyń shyǵysyndaǵy jaǵdaıdy talqylady. «Azattyq radıosynyń» jazýynsha Pýtın Poroshenkomen bolǵan kezdesýdi "pozıtıvti" júrdi dep, Máskeý bitimgerlik prosesterdi nyǵaıtý úshin "barlyq múmkindikti jasaıtynyn" málimdegen. Ol buǵan qosa gaz tasymaldaý máselesine qatysty kelissózder júrgizý týraly da ýaǵdalastyq jasalǵanyn aıtty.

Poroshenkonyń aıtýynsha, Kıev pen Máskeý Ýkraınanyń shyǵysyndaǵy jaǵdaıdy retteýdiń alǵysharttaryn jasaý úshin eki eldiń shekara qyzmetteri jáne bılik ókilderi arasynda kelissózder bastaýǵa kelisipti.

Mınskide munyń aldynda Pýtın, Poroshenko, Belarýs prezıdenti Aleksandr Lýkashenko  jáne Eýropa Odaǵynyń syrtqy saıasat jónindegi komısary Ketrın Eshtonnyń qatysýymen kópjaqty kelissózder ótti. Máskeý men Kıevtiń ustanymdary úılese bermegendikten, tipti keıbir jaǵdaıda túbirimen qarama-qaıshy kelip jatqandyqtan kelissózder kúrdeli bolǵan. Sondaı-aq Mınskide Keden odaǵy basshylary da kezdesip, saýda keńistiginiń jańa qadamdary men aldaǵy alys-beris josparlaryn da talqylaǵan. Mınskige barǵan QR prezıdenti Nazarbaev pen Ýkraına prezıdenti Poroshenkonyń da ózara jeke kezdesýleri boldy. Eki jaqty kezdesý barysynda Qazaqstan prezıdenti Nursultan Nazarbaev beıbitshilikti dáriptep, Qazaqstannyń Ýkraınaǵa gýmanıtarlyq kómek beretinin jetkizdi ári álem elderin Ýkraınaǵa kómek kórsetýge shaqyrdy. 

Qamshy-aqparat