Konstıtýsıa kúni qarsańynda Qyzylordada Qazaqstannyń Memlekettik ánuranyn 1200-den astam balaqaı bir mezgilde oryndaıdy. Bul týraly Tengrinews.kz jazdy. Qyzylorda qalalyq  ishki saıasat bóliminiń jetekshisi Baldyrǵan Mámenniń aıtýynsha ıýalalar ánurandy 29 tamyz kúni bir mezgilde oryndamaq. Erekshe aksıaǵa 124 balabaqsha men mektepke deıingi bilim beretin shaǵyn ortalyqtyń tárbıelenýshileri qatysady. 30 tamyz kúni qalada qoǵamdyq kólik kasırleri men júrgizýshileri óz jumysyn Memlekettik ánurandy aıtýmen bastaǵaly otyr. № 5, 6, 11, 12, 14, 17, 18, 19, 22, 24 qalalyq baǵyttaǵy avtobýstar bul kúni ádettegideı 22.00-ge deıin emes, 23.00-ge deıin jumys isteıtin bolady.

"Qyzylorda ákimdiginiń usynysy boıynsha kásipkerler Konstıtýsıa kúnine arnap, taǵy bir tartý ázirlep otyr - qalanyń "Mıras", "Jaına", "Aıtbek", "Asbol", "Aǵjan" sıaqty iri bazarlary men "Anvar", "Magnat", "Ramazan" sıaqty saýda ortalyqtary qyzylordalyqtarǵa óz ónimderin 10-15 paıyzdyq jeńildikpen usynbaq", - deıdi Mámen. Sondaı-aq mereke kúni Qyzylordada aýyl sharýashylyǵy ónimderiniń jármeńkesi de ótpek eken.

Esterińizge salsaq, 1995 jyly 30 tamyz QR ata zańy qabyldanǵan kún.

Qamshy-aqparat