Almaty qalasy Almaly aýdandyq sotynda kezekti "dárigerler isi" qaralyp jatyr dep jazady sputniknews.kz. Onda úsh sottalýshy dáriger sumdyq
Aýrýhanalar qyzmetkerleri ólim kórsetkishin syrqatnamanyń kómegimen jasyrady eken Mundaı moıyndaý Almattyda kezekti "dárigerler isi" boıynsha sottalýshylardy tergeý kezinde aıtyldy.
Qazaqstan Almaly aýdandyq sotynyń sýdıasy Maral Jarylqasova tórt jyl burynǵy aty shýly is boıynsha sot aldynda jaýapqa tartylyp jatqan jedel járdem aýrýhanasy (JJA) dárigerlerinen alǵan jaýap jarıalaydy.
Dárigerler kináli me?
Osy ýaqytqa deıin núkte qoıylmaǵan qaıǵyly oqıǵa: jubanyshsyz áke Farhat Agıshev jol apatynan keıin aýyr hálde aýrýhanaǵa túsken 21 jasar qyzy Dıláranyń der kezinde medısınalyq kómek almaý saldarynan kóz jumǵanyn dáleldeýge tyrysyp júr.
Agıshevtiń sózine qaraǵanda, qyzdy JJA-ǵa 02.30-de jetkizgen, ony tek on mınýttan keıin ǵana qabyldaǵan, taǵy bes mınýttan keıin ákesi qyzyna telefon soqqan, ol esi kiresili-shyǵasyly birer sóz aıtqan. Al ári qaraı – jeke tergeý nátıjeleri resmı aqparatqa qaıshy keledi. Dılára Agısheva jol apatynan soń jedel járdem aýrýhanasynda kóz jumǵan.
Osylaısha, Almaty ishki ister departamentine naýqastyń 03:30 ólgeni týraly aqparat tek tańǵy saǵat 04:52-de kelip túsken. Farhat Agıshevtiń senimdiligi boıynsha qyzynyń aýrýhanaǵa jetkizilgennen keıin bir saǵattan soń kóz jumdy degen derek jalǵan eken. Ol qyzynyń 04:50-ge deıin ıaǵnı aýrýhanada bolǵan 2 saǵat 10 mınýt boıy tiri bolǵanyna senimdi.
Biraq bastysy bul emes: er adamnyń pikirinshe, alǵashqy qundy mınýttarda onyń qyzyna eshqandaı kómek kórsetilmeı, ol jolda jedel járdem dárigerleri 02:55-ke deıin ekken dári tamyzǵyshtyń astynda katalkada jatqan.
"Nelikten JKO ýaqytynan beri 2012 jylǵy 24 qyrkúıek pen búgingi kún 2017 jylǵy 27 aqpan aralyǵynda tórt jarym jyl ótti. Óıtkeni osy ýaqyt boıy İİD qyzmetkerleri, sarapshylar, JJA qyzmetkerleri, qalalyq densaýlyq saqtaý tipti densaýlyq saqtaý mınıstrligi de dárigerlerdi jaýaptan alyp qalý úshin birshama kúsh saldy. Qazirgi ýaqytta osy qylmystyq isten bólek taǵy eki is prokýratýrada jatyr… Búgingi tańda qyzymnyń qandaı jaraqattan kóz jumǵany mańyzdy emes. Ol JJA qabyldaý bólmesi kezekshi dárigerleriniń áreketsizdiginen kóz jumdy", — deıdi Agıshev.
Sottalýshylar – 2012 jylǵy 23-nen 24 qyrkúıekke qaraǵan túni kezekshilikte bolǵan dárigerler. Dárigerler Bahtıar Bektursynov, Jangeldi Súleımenov jáne Mars Baınıazovqa medısınalyq qyzmetkerlerdiń kásibı mindetterin tıisti oryndamady degen aıyp taǵylyp otyr. Olar kinásin moıyndap otyrǵan joq.
"Biz brıgadamen bárin jasadyq – barlyq tekserýlerdi, barlyq jan saqtaý sharalaryn tolyǵymen. Qutqaryp qala almadyq, jaraqat aýyr bolatyn. Ol jerde mıdiń zaqymdanýy, torly qabyq astyna qan quıylý, jambas súıeginiń synýy, ishki aǵzalarynyń jarylýy. Otaǵa alyp úlgere almaı qaldyq. Al bylaısha, bárin tolyq jasadyq. Ol jansaqtaý bóliminde boldy. Aýrýhanada kameranyń bolmaǵan ókinishti. Beınekamera bolǵanda jaqsy bolýshy edi. Bizde ondaı naýqastar birden jansaqtaý bólimine jetkiziledi", — dedi travmatolog dáriger jáne qaıǵyly kezekshilikke jaýapty dáriger Jangeldi Súleımenov.
Daýly kýálik etý
Sotta ispen baılanysty kútpegen kýálik etýler aıtyldy. Anyqtalyp qoıǵan derek: Dılára Agıshevanyń atyna naýqasnama toltyrylmaǵan. Kúdiktilerden jaýap alý sot otyrysynda bolǵan jýrnalısterdi de tańǵaldyrdy. Ýáde etkenimizdeı, sottalýshylardyń sýdıa Maral Jarylǵasovanyń qoıǵan suraqtaryna bergen jaýaptaryn jarıalaımyz. Sýdıa zalda dıktofon jazbasyn júrgizýge tyıym saldy. Sondyqtan dıalog tolyq keltirilmeıdi – tek tilshi qalammen jazyp úlgergen bóligi ǵana. Sondaı-aq, dárigerler kinálaryn áli de moıyndamaǵanyn eske salamyz. Tómende aıtylǵandar ony dáleldemeıdi, úlken prosestiń epızody ǵana bolyp tabylady.
Sýdıa Jarylǵasova: Agıshevanyń jaǵdaıyna deıin naýqasnama toltyrylmaıtyn jaǵdaılar oryn alatyn ba edi?
Jangeldi Súleımenov: Iá.
Sýdıa Jarylǵasova: Ol 2012 jyly boldy ma joq oǵan deıin ba?
Jangeldi Súleımenov: 2009 jyly men Almatyǵa keldim. Ortalyq qalalyq aýrýhanada jumys istedim, ol jerde de ondaı bolatyn.
Sýdıa Jarylǵasova: 2012 jyly sizder barlyq naýqastarǵa solaı jasaıtyn ba edińizder?
Jangeldi Súleımenov: Bir saǵatqa deıin kóz jumǵandar…
Sýdıa Jarylǵasova: Nelikten týra birge deıin? Advokat Sálimbaeva: Túngi saǵat bir emes, bir saǵat ishinde.
Sýdıa Jarylǵasova: Bir saǵat ishinde. Ol nemen baılanysty?
Jangeldi Súleımenov: Men bilmeımin, oıdan eshteńe shyǵaryp otyrǵan joqpyn, solaı qalyptasqan. (…)
Sýdıa Jarylǵasova: Men jaýap estimedim. Mundaı tájirıbe nemen baılanysty?
Jangeldi Súleımenov: Men bilmeımin…
Mars Baınıazov: Ólim-jitimdi tómendetý úshin…
Sýdıa Jarylǵasova: Qalaı ólim-jitimdi tómendetý? Statısıkany ma?
Mars Baınıazov: Statısıkany.
Sýdıa Jarylǵasova: Eger naýqas bir saǵat ishinde kóz jumsa, naýqasnama toltyrylmaıdy, ol naýqastar ólgender tizimine kirmeıdi me?
Mars Baınıazov: Kiredi. Biraq aýrýhananyń statısıkasyna kirmeıdi. Qala boıynsha, respýblıka boıynsha (…)
Sýdıa Jarylǵasova: Adam ólse, oǵan aýrýhananyń naýqasnamasy toltyrylmady derlik, olar qalaı esepteledi?
Mars Baınıazov: Emhana arqyly.
Sýdıa Jarylǵasova: Jalpy nusqaýlyq boıynsha naýqasnama toltyrylýy tıis pe? Barlyq naýqasarǵa?
Mars Baınıazov: Tıis.
Sýdıa Jarylǵasova: Jaraıdy, ol "jedel járdemmen" túspegen naýqastarǵa qatysty shyǵar. Al "jedel járdemmen" túsken naýqastar?
Mars Baınıazov: Oǵan qaramaıdy. Sot otyrysy áli aıaqtalǵan joq.
