NATO Shyǵys Eýropada bes jańa áskerı baza ashýdy josparlady. Bul týraly Tengrinews.kz jazdy. Aqparatqa saı, NATO jańa bazalarda shuǵyl áreket etetin áskerı quramdaǵy 4000 adamdy ornalastyrady. Mundaı áreket arqyly NATO óz músheligindegi elderdi Reseıden keletin qaýipten saqtaýdy qarastyrady.  Jýyrda ǵana NATO-nyń Bas hatshysy  Anders Fog Rasmýssen alánstyń Shyǵys Eýropada jańa baza ashýdy josparlap otyrǵanyn málimdegen bolatyn. Sondaı-aq Ýkraınadaǵy jaǵdaıǵa baılanysty qorǵanysty kúsheıtý úshin NATO-ǵa múshe jeti eldiń jańa shuǵyl áreket etý kúshterin qurǵaly otyrǵany da habarlanǵan, buǵan Danıa, Latvıa, Estonıa, Lıtva, Norvegıa jáne Nıderlandy da qatysady. Sonymen qatar jańa birlestikke kirýge Kanada da qyzyǵýshylyq bildirgen. NATO-nyń basty maqsaty - birlesken ekspedısıalyq, shuǵyl áreket etetin jáne  jıi oqý-jattyǵý jumystaryn ótkizetin jańa kúsh qurý. Odaqqa kiretin áskerılerdiń sany 10 myńnan asýy múmkin.

Al Reseı NATO-nyń jańa áskerı odaq qurýy eýroatlantıkalyq turaqtylyqtylyqqa zardap tıgizetin aıtyp, ózińniń qaýipsizdigin qamtamasyz etý maqsatynda NATO-nyń shyǵystaǵy áreketi úshin jaýap qaıtarady dep ýáde berdi. Bul týraly Reseıdiń qorǵanys mınıstri Sergeı Shoıgý óziniń amerıkalyq áriptesi Chak Heıgelmen áńgime barysynda aıtqan.

Qamshy-aqparat