Sońǵy 10 jylda TMD aýmaǵynda aqparattyq soǵys toqtaǵan emes. Bir tań qalarlyǵy, Qazaqstan úkimeti sonyń bárin kóre tura, halyqaralyq deńgeıde aqparat taratatyn otandyq ne telearna, ne agenttik ne saıt ashpady (shet eldikterge oryssha sújet kórsetetin Kazakh TV jaıly molchý) 
Ýkraınadaǵy jaǵdaımen Kreml aqparattyq qural arqyly mıllıondardy joq jerden aqymaq ta, partıot ta qylýǵa bolatynyn dáleldedi. Qazaqstannyń halyqaralyq aqparattyq aǵynynda utylyp jatqanyn Prezıdenttiń Ulytaýdaǵy suhbaty taǵy bir aıqyndady. Nıet izgi bolǵanymen, nátıje basqalaı boldy: - Bul suhbat qazaqtarǵa arnaldy, suhbattyń máni "qazaqtar, bar máselelerińdi bilem, biraq jaǵdaı kúrdeli, amal joq, osylaı isteýge májúrbiz" edi. Ony qazaqtar túsingendeı boldy. - Degenmen orys tildi saıttar tek "qazaq tilin talap ete bersek, bizdiń elde de Ýkraınadaǵy jaǵdaı oryn alýy múmkin" degen oıdy ǵana kesip alyp, barynsha aınaldyrdy. Bul orystardyń "Prezıdentteriń solaı dep jatyr, endi tynysh otyryńdar" degeni edi. Alaıda Elbasynyń ol oıy suhbatta mańyzdylyǵy jaǵynan 10 ne 11-shi sıaqty kórindi maǵan - Reseılik saıttar "Qazaqstan Eýrazıalyq Odaqtan shyǵýy múmkin ne shyqqaly jatyr" degen taqyrypty badyraıtyp taratty. Prezıdent bul jerde tek úsh eldiń arasyndaǵy kelisimniń bir pýnktyn ǵana atap ótti. Iaǵnı, táýelsizdikke qaýip tónse uıymnan ábden shyǵyp kete alamyz dedi. Degenmen, bul sózder Astanada resmı organ, prezıdent tarapynan mamyr aıynda birneshe ret aıtyldy. Sol kezde eshkim estimeı qalyp, qazir reseılikterdiń qazaqsha túsinip, osy oıdy qaıta-qaıta jarıalanýy kimge kerek? - Eń ókinishtisi, keıbir qazaqstandyq saıttar esh oılanbastan nemese ádeıi sol reıseılikterdiń maqalasyn ózgelerden keshigip qalmas úshin aına-qatesiz kóshirip basyp berip jatty. Sol kezde olar Kremldiń tegin kómekshisi bolyp jatqanyn bildi me eken? -Qysqasy, Qazaqstan úkimeti aqparat alańynda odan ári utylǵysy kelmese, bizge shabýyldar, aksıalar jasalǵanda óz deńgeıinde jaýap bergisi kelse, onda shynaıy iri halyqaralyq BAQ kerek. Onyń orys, ıspan, qytaı, aǵylshyn tilderinde jumys isteýi mindetti. Onyń aqparatty qazaqstandyq kózqaraspen jazatyn keminde 10-15 memlekette ózindik tilshisi bolýy mindetti! Áıtpese, sol kúıi utylǵanymyz utylǵan, "Pervyı kanalǵa" sengenimiz sengen. P.S. 1.Reseı-Grýzıa qaqtyǵysynan soń 2009j dıplomdyq taqyrybym retinde Qazaqstannyń aqparattyq qaýipsizdigin alǵan edim, mańyzdylyǵy endi joıylmas dep 2,Sol jumysta shabýyldardan qorǵaný úshin eń bolmaǵanda aımaqtyq iri aqparattyq agenttik qurýdy usynǵam (eger shyǵyny kóp bolsa, hotá by Orta Azıaǵa taraıtyn) 3.Sol jumysymdy bireý pysqyryp, ózimnen basqa pende (bıligi men mıy bar) oqyǵanda, qazirgi aqparattyq jaǵdaı múldem basqa bolar ma edi : - )))))))) sol 60 betti ǵylymı jetekshim de oqymaǵanyna senimdimin )))

Nurmuhammed Baıǵara. (Facebook-tegi paraqshasynan.)