Dımash Qudaıbergenniń prodúseri, PR men medıa menedjeri Alpamys Sharımov ınstagram paraqshasynda qýanyshy qoınyna syımaı qytaı fanattarynyń Dımashqa jasaǵan tosynsyıy jaıly jazypty dep habarlaıdy «Qamshy» portaly. «Dımashtyń jankúıerleri kúnnen-kúnge tańqaldyrýlaryn qoımaıdy. Rasymen, maqtanǵa salynbaıyqshy dep kóp tosynsyılardy jarıalaı bermeımiz. Biraq, búgingisi erekshe! Qytaı fanattary arnaıy Qazaqstandy zerttep, vıza ashyp, elimizge barypty. Dımashtyń qarny ashyp qalmasyn dep qazaq ulttyq taǵamdaryn daıyndap, búgingi túski asta bizdi tańqaldyrdy. Qazy-qarta, tary-talqan, qurt-maı, jemis-jıdek bári bar! Jyraqta júrgen jan úshin bul taǵamdardyń orny erekshe ekeni sózsiz! Qorap-qorap syılyq. Áli ashyp ta úlgermeı jatyrmyz! Barlyǵy ánshisine degen nıeti ǵoı jankúıerlerdiń. 
Jalpy, Dımashqa arnalǵan fan-toptar kóp. Bul #DimashSisters ıaǵnı "Dımashtyń qaryndastary" atty fan toptyń syılyǵy. Qıaldarynda shek joq qoı shirkin!? Qandaı keremet!.. Dımashtyń atynan barsha #DimashSister fan tobynyń qyzdaryna alǵys bildiremin! Búgin biz rasymen de aýylǵa baryp qaıtqandaı boldyq!!! Raxmet, Dears!» dep aǵynan jaryldy Alpamys.