Anfısa Sharıpova 2009 jyly alǵashqylardyń biri bolyp Qazaq memlekettik pedagogıkalyq ýnıversıtettiń jańadan ashylǵan orys bólimine oqýǵa túsken bolatyn. Qyzdar ýnıversıtetinde bilim alǵan orys qyzy oqý orynnyń onyń ómirine qalaısha áser etkendigi jaıly áńgemelep berdi dep jazady «Nur» saıty. «Qamshy» portaly óz kezeginde orys qyzdarynyń áserli áńgimesin qazaqshaǵa aýdaryp, oqyrman nazaryna usynýdy jón dep tapty.
«Men Soltústik Qazaqstannyń qyzymyn. Ol jaqta qazaq tilinde kóp adam sóılemeıdi. Almatyǵa kelip qatty tańyrqadym. Til jaǵynan azdap qınaldym. Alaıda jataqhanadaǵy kórshilerim jaqsy bolyp shyqty. Kórshilerim Qazaqstannyń ártúrli óńirinen kelgen qazaq qyzdary bolatyn. Olarmen jaqsy til tabysyp kettim. Qazaq tiline ıkemdele bastadym. Solardan qazaqtyń ǵurpy men mádenıeti jaıly keńinen bile bastadym. Qazaq tiline degen qyzyǵýshylyp artyp, ony úırene bastadym. Nátıjesinde «Qyz arýy» baıqaýyna qatysyp «Dana qyz» degen tıtýl aldym»,-deıdi Anfısa.Úshinshi kýrsqa deıin jataqhanada turǵan Anfısa jataqhanadaǵy ómirdiń ońaı emestigin aıtyp berdi. Jumys jasaı otyryp, jataqhanada turý aýyr. Tańda biraq jumystan keletin meni komendant túste kelip oıatyp alatyn. Qysqasy, áskerı ómir munyń qasynda oıynshyq deıdi ol.
«Aýyldan kelgen qyzdar tynysh, baısaldy, salmaqty. Sonymen qatar qarapaıym ári qonaqjaı. Olar et asyp, kórshilerdi tamaqqa shaqyratyn. Solardyń kómegimen qazaqsha et asýdy úırendim. Qazaqtyń qyzdary meni salmaqty, salıqaly bolýǵa tárbıeledi» dep oıyn qorytyndylady Anfısa. Aıta keterligi, Anfısa Sharıpova Reseıdiń Peterborynda fotomodel bolyp jumys jasaıdy.
Atalmysh oqý orynnyń taǵy bir túlegi Olga Voıtovıskaıa da áserli áńgemesimen bólisýdi jón dep sheshti. «Men dene tárbıesi men valeologıa kafedrasynda bilim aldym. Biz 12 adam bolatynbyz. Orys bliminde kadr jetispeýshiligi baıqalatyn. Qazaq bólimindegi qazaq qyzdarymen jaqsy aralastyq. Olar kóbinese jataqhanada turatyn. Men Almatylyqpyn. Alaıda toptyń jartysy jataqhanada turatyndyqtan ol jaqqa jıi baratynmyn. Sol qazaq qyzdarymen áli kúnge deıin aralasamyn. Qyzdardyń kóbi kúıeýge erte shyǵyp ketti. Bilimin támamdap, kóbisi aýyldaryna oraldy. Qazaq qyzdarynyń minezdi ashyq jarqyn, ózderi aq kóńildi. Dástúrlerin qatty qurmetteıdi. Olar úshin birinshi orynda otbasy, sosyn ǵana mansap turady. Otbasyn qursa da bilim alýdy jalǵastyrdy» deıdi Olga Voıtovıskaıa.
Olga Voıtovıskaıa búgingi tańda Almatyda dene tárbıesinen sabaq beredi.
Aýdarǵan: Jazıra Baıdaly
