Qazaqstan Respýblıkasy Konstıtýsıasynyń 58-baby, 4-tarmaǵynyń 2) tarmaqshasyna sáıkes, búgin  Astanada Qazaqstan Respýblıkasy parlamenti palatalarynyń birlesken otyrysy ótýde. Jıynǵa QR prezıdenti Nursultan Nazarbaev qatysyp otyr. 

Elimizdiń eń joǵarǵy ókildi organy bolyp tabylatyn zań shyǵarýshy Parlament - turaqty negizde jumys isteıtin eki palatadan, ıaǵnı Senat jáne Májilisten turady.

Senat ár oblystan, respýblıkalyq mańyzy bar qaladan jáne Qazaqstan Respýblıkasynyń astanasynan eki adamnan, tıisinshe oblystyq, respýblıkalyq mańyzy bar qalanyń jáne respýblıka astanasynyń barlyq ókildi organdary depýtattarynyń birlesken otyrysynda saılanatyn depýtattardan quralady. Senatta qoǵamnyń ulttyq-mádenı jáne ózge de eleýli múddeleriniń bildirilýin qamtamasyz etý qajettiligi eskerilip, onyń on bes depýtatyn Respýblıka Prezıdenti taǵaıyndaıdy. Saılanǵan Senat depýtattarynyń jartysy árbir úsh jyl saıyn qaıta saılanyp otyrady. Senat depýtattarynyń ókilettik merzimi – alty jyl.

Májilis júz jeti depýtattan turady. Májilistiń toqsan segiz depýtaty saıası partıalardan partıalyq tizimder boıynsha jalpyǵa birdeı, teń jáne tóte saılaý quqyǵy negizinde jasyryn daýys berý arqyly saılanady. Májilistiń toǵyz depýtatyn Qazaqstan halqy Assambleıasy saılaıdy. Májilis depýtattarynyń kezekti saılaýy Parlamenttiń jumys istep turǵan saılanymy ókilettiginiń merzimi aıaqtalardan keminde eki aı buryn ótkiziledi. Májilis depýtattarynyń ókilettik merzimi –bes jyl.