Shyǵys Qazaqstan oblysyna jumys sapary aıasynda B. Saǵyntaev Semeı qalasynyń Halyqaralyq áýejaıy men JEO-1 qaıta qurý jumystaryn tekseredi, «Nazarbaev zıatkerlik mektebiniń» bólimshesine barady, sonymen qatar óńirdiń áleýmettik-ekonomıkalyq damýynyń ózekti máselelerin talqylaý maqsatynda qala jurtshylyǵymen kezdesý ótkizedi.

Jumys sapary barysynda Premer-Mınıstr QR Prezıdentiniń «Qazaqstannyń úshinshi jańǵyrýy: jahandyq básekege qabilettilik» atty Joldaýynyń aımaqtaǵy iri ónerkásiptik-ındýstrıaldyq jáne aýyl sharýashylyǵy kásiporyndarynda, densaýlyq saqtaý jáne bilim berý nysandarynda júzege asyrylý barysymen tanysady.

Keshe B. Saǵyntaev Aqtoǵaı taý-ken baıytý kombınatynda, Óskemen armatýra zaýytynda, Úlbi metalýrgıa zaýytynda, maıly daqyldar tájirıbelik sharýashylyǵynda, kóz mıkrohırýrgıasy emhanasyna jáne D. Serikbaev atyndaǵy Shyǵys Qazaqstan memlekettik tehnıkalyq ýnıversıtetine bardy.

Sondaı-aq, QR Premer-Mınıstri oblystyń iri ónerkásiptik kásiporyndarynyń jetekshilerimen jáne bıznes ókilderimen kezdesý ótkizdi.