Coltústik Qazaqstan oblysynyń ákimi Qumar Aqsaqalov Naýryz meıramy qarsańynda oblys jurtshylyǵymen kezdesti, onyń barysynda konstrýktıvti suhbat ótti.

«Mereke aldynda sizdirmen arnaıy kezdesýimdi jón dep kórdim.  Ózderińiz kórip, estip otyrsyzdar, eki kún ishinde búkil aýdan ákimderin, qala ákimderiniń esepterin tyńdadym, qabyldadym , keshe basqarma men departament basshylarymen aralasyp, olarmen de oı-pikirlesip, problemalardy talqyladyq», - dedi oblys ákimi.

Oblys ákimi qatysqan is-sharaǵa UOS, eńbek, sport ardagerleri, Qazaqstannyń Eńbek sińirgen qaıratkeri, oblystyń qurmetti azamattary, qoǵamdyq keńesterdiń tóraǵalary qatysty.

«Minekeı búgin úlken merekeniń aldynda qoǵamdyq pikirdi qalyptastyratyn azamattarmen kezdesýdi uıymdastyrýdy jón sanap, oılaryńyzben bólisip, pikirlerińizdi, usynystaryńyzdy tyńdaý úshin aldaryńyzǵa kelip otyrmyz», - dep atap ótti Qumar Aqsaqalov.

Óńir basshysy jınalǵandardy Naýryz meıramymen quttyqtaı  otyryp, kóktem merekesin tek qalalar men aýyldardyń alańdary men kóshelerinde toılamaı, sondaı-aq, ár aýlada da toılaýdy usyndy. 

 «Osy jyly bizder Naýryz meıramyn aýlalyq aýmaqtar men turǵyn úı–jaılarynda qarsy alýdan bastasaq,  jaqsy dástúr bolar edi. Aýlalardaǵy kire-beristerdi, balalardyń oıyn alańdaryn, trotýarlardy, aryqtar men jaýyn-shashyn káriz júıesin qardan tazartý, sońynda, múmkindiginshe, barlyq aýlamen merekelik  dastarhan jaıyp, kúsh pen shydamdylyqty tekseretin ulttyq oıyndardy uıymdastyrý. Osy barlyq is-áreketter bizdegi birlik rýhy men yntymaqtastyǵymyzdy odan ári nyǵaıtatynyna senimdimin», - dep atap ótti óńir basshysy.

Petropavlda turǵyn alabynda 400-den astam  aýla bar.

Kóne zamannan beri Naýryz meıramy jandaný men tabıǵattyń jańarýyn bildiredi. Sonymen birge, burynǵy zamanda Naýryz kelgenge deıin adamdar óz úıleri men sharýashylyǵyn tazalyq pen tártipke keltirgen. Naýryz taza úıge kelse, aýrý-syrqat, sátsizdikter, qasiret úı ıelerinen aınalyp ketedi dep sengen.

Anyqtama úshin:

1991 jyldyń 15 naýryzynan bastap  Qazaqstannyń Prezıdenti Nursultan Nazarbaev óziniń Jarlyǵymen 22 naýryzdy, kóktemgi kún men túnniń teńelýin, merekelik kún dep jarıalady. Qazaqstan Respýblıkasynyń «Merekeler» týraly zańyna sáıkes Naýryz meıramy - memlekettik mereke. Ústimizdegi jyly  Úkimettiń Qaýlysymen Qazaqstan azamattary 5 kún demalý múmkindigine ıe boldy.