Petropavlda Naýryz meıramy qarsańynda  qazaqtyń uly jazýshysy, áleýmettik eńbek eri, bizdiń jerlesimiz Ǵabıt Músirepovtiń 115 jyldyǵyna oraı respýblıkalyq aqyndar  aıtysy ótti.

Bul baıqaýǵa Qazaqstannyń 9 oblysynan sýyryp-salma aqyndary qatysty.

Saıystyń bas júldesi – gran-prı men 600 myń teńgeni túrli halyqaralyq aqyndar saıysynyń júldegeri Pavlodar oblysynan kelgen Aspanbek Shuǵataev jeńip aldy.

1 oryn men 400 myń teńgeni qaraǵandylyq sýyryp-salma aqyny Maqsat Aqanov ıelendi.

2 oryn men  300 myń teńgeni soltústikqazaqstandyq Muhamed Qońqaevqa berildi.

Júldeli 3 oryn men 200 myń teńgeni  taǵy bir Qaraǵandy oblysynyń ókili – Dıdar Qamıevke berildi.

Tursynbek Kákishevtiń «er Jánibek» halyqaralyq  qoǵamdyq qorynan Qyzylorda oblysynan kelgen Móldir Aıtbaıǵa  arnaıy syılyq pen 300 myń teńge usynyldy.

Shyǵys Qazaqstan oblysynan kelgen Nurjan Ómirbaevqa  Maǵjan Jumabaev aýdany ákimdiginen   Erik Asqarovtyń atynan arnaıy syılyq pen 200 myń teńge tabystaldy.