QR Premer-Mınıstri Baqytjan Saǵyntaev Shyǵys Qazaqstan oblysyna jumys sapary barysynda kásipkerlermen kezdesý ótkizdi. Kezdesý barysynda memlekettik satyp alýlar júıesin odan ári damytýdyń ózekti máseleleri talqylandy.

QR Premer-Mınıstri Baqytjan Saǵyntaev Úkimet saıasaty elimizdegi ekonomıkalyq ósimdi qozǵaýshy kúshke aınalýy tıisti, bıznes pozısıalardy nyǵaıtýǵa negizdelgenin aıtyp ótti.

Baqytjan Saǵyntaev memlekettik satyp alýlar júıesin jetildirý jolynda jumystardyń atqarylǵanyn, soǵan oraı Qazaqstannyń úsh oblysynda memlekettik satyp alýlar kezinde qazynashylyq súıemeldeýdiń pılottyq jobasy engiziletinin habarlady. Bul qurylys sapasyn arttyrýǵa jáne iske asyrylatyn jobalarǵa otandyq kásiporyndardyń qatysý úlesin ulǵaıtýǵa múmkindik beredi.

Budan ózge, qazirgi ýaqytta ortalyqtandyrylǵan qyzmet qaǵıdasy boıynsha memlekettik satyp alýlardy júzege asyrý máseleleri pysyqtalýda. Ol dál ólshemderdi bekitip, rásimderdiń aıqyndyǵyn arttyrýǵa múmkindik beredi. 

Sondaı-aq, QR Premer-Mınıstri B. Saǵyntaev kásipkerlerge satyp alýlardyń İT-platformasy qurylatynyn aıtty. Ol bızneske óz óndirisin tıimdi josparlap, uıymdastyrýǵa múmkindik beretin, memlekettik jáne kvazımemlekettik sektorlardyń ortaq satyp alýlaryna qoljetimdiliktiń biryńǵaı orny.

Keńes barysynda Shyǵys Qazaqstan oblysy ákiminiń birinshi orynbasary N. Saqtaǵanov jáne bıznes-qaýymdastyqtardyń ókilderi sóz sóıledi, sonyń ishinde «Atameken» Ulttyq kásipkerler palatasynyń basqarma tóraǵasy A. Myrzahmetov, SHQO Kásipkerler palatasynyń dırektory I. Shaskıı, «Almaty jeldetkishter zaýyty» JSHS Dırektorlar keńesiniń tóraǵasy M. Baqqulov, Jıhaz jáne aǵash óńdeý ónerkásibi kásiporyndary Qaýymdastyǵynyń prezıdenti E. Sadyqov jáne «ESKO» JSHS dırektory A. Shmarın bar.

Kezdesý qatysýshylary ónerkásiptiń túrli salalarynda memlekettik satyp alýlar júıesin damytý jónindegi óz usynystaryn aıtty.

Jalpy Baqytjan Saǵyntaev QR Úkimeti júıelik negizde kásipkerlik ahýaldy jetildirý men bıznestiń iskerı belsendiligin yntalandyrý boıynsha jumystar júrgizip jatqanyn atap ótti. Osy oraıda elimizdiń árbir júıe quraýshy kásiporny boıynsha jergilikti qamtý kólemin ulǵaıtý jumystary jalǵastyrylady. Budan ózge, kásipkerlerge qarjylyq jáne zańnamalyq qoldaý kórsetý sharalary usynylatyn bolady. QR Úkimeti bıznes shyǵyndaryn qysqartý men qaıta retteý jumystaryn jalǵastyrady.