Baǵyttaǵy kúshter men sol baǵyttyń qoldaýshylary: Reseı, Iran jáne Túrkıa. Alǵashqy eki memleket shııtterdi qoldaıdy, Asadtyń tegi - alavıtter ókili, shııt baǵyttaǵylar, «qyzylbastar», «Alı-Alla» qoldaýshylary. Men dindar adam emespin, biraq bul jaǵdaı óte mańyzdy. Sonymen Iran, Reseı jáne Sırıa basshysy Asad sýnnıtterge qarsy soǵysyp jatyr. Egerde DAISH-qa qarsy eki koalısıanyń soǵysy durys baǵyt desek, bul memleketter koalısıasynyń basqa áskerı áreketteri destrýktıvti. DAISH-qa ( الإسلاميّ الدّولة )toqtalaıyn – bul ekstremıstik, terorıstik memleket symaq. Olar ásire ıslamdyq memleket quryp Irak pen Levantty jáne japsarlas jatqan arab memleketterin DAISH-qa biriktirmek. Aǵylshynsha olardy the Islamic State of Iraq and the Levant (ISIL), also known as the Islamic State of Iraq and Syria (ISIS ) dep atap júr. Cırıadaǵy daǵdarysqa ákesi men balasy Asadtar otbasy jáne solardyń dıktatorlyq rejımi kináli. Bul tujyrymdy men arab álemindegi daǵdarysty zerttegen basymmen aıtyp otyrmyn. Sırıada búgingi kúnde Reseı bazasynda jáne basqa shaıqas alańynda Reseıdiń áskerı kúshteri qaqtyǵystarǵa qatysýda. Sheshen batalónyna qosa ıngýsh batalóny, jeke qalmaqtar jáne orys eriktileri Sırıada soǵysyp júr.

Kim, kimge qarsy. Qarsy taraptar: Sonymen ymyrashyldyq mısıany jáne demeýshilikti, soǵysty yntalandyryp, qozdyryp otyrǵan kúshtiń bir jaǵy - ol Reseı men Iran , al Túrkıa óz shekaralarynyń mańyndaǵy qaýipsizdikti oılap kúrdterge qarsy áreketter jasap júr. Arab elderiniń kóbisi jáne musylman sýnnıtter shııtterge qarsy soǵysady. Máselen, Saýd Arabıasy Astana samıtine qatyspaıdy, AQSH ta qatyspaıdy. Aıtpaqshy, sýnnıtter jaǵynda jeke sheshender, Soltústik Kavkaz musylmandary jáne az top qazaqtar da bar arasynda.

Qazaqstan úshin qaýipter. Zaýaldar: Qazirgi álemde eń yqpaldy bir aq memleket bar – ol AQSH, onyń eserleý, biraq tikshil jáne ádil Prezıdenti taǵy bar, ol Donald Tramp. Ýkraınaǵa Reseı shabýyl jasady, Qyrymdy tartyp aldy dep Tramp Reseıge qatty ashýly. Sol sıaqty AQSH-tyń Reseıdiń Sırıadaǵy áreketterine de kóńili tolmaıdy, tipti sol áreketterine qarsy. Sebebi AQSH Asad rejıminiń ózine qarsy. AQSH Sırıadaǵy demokratıalyq opozısıalyq kúshterdi qoldaıdy. Keıin, Asad ketken soń solarǵa Sırıadaǵy bılikti tapsyrmaq. Al Reseı Sırıanyń demokratıalyq opozısıalyq áskerı kúshteriniń múddelerimen sanaspaıdy. Iran ıadrolyq qarý jasaýda jáne sol qarýdy Izraılge qarsy paıdalanady degen AQSH-ta qaýyp pen kúdik bar. Iran áskerleri ashyq túrde Asadtyń áskerin qoldap soǵysyp júr jáne Sırıanyń demokratıalyq opozısıalyq áskerı kúshterimen soǵysýda. Reseı men Iran búgingi tańda ızgoı – shapqynshy memleket. AQSH Senaty da Reseı men Iranǵa qosymsha sanksıalardy kúsheıtip salmaqshy, solaı qysym jasamaqshy.Erteń Tramp áskerı saıası analıtıkteri Sırıa dúrdarazdyǵynda Reseı men Irannyń áreketterin taldap otyryp Qazaqstannyń óz astanasy Astana tórine eki súıkimsiz memleketti qaıta-qaıta jınap olardyń Sırıadaǵy sodyr basshylaryn ymyralastyrǵan úshin biz, Qazaq eli erteń opyq jemeıtinimizge kim kepil? Bizdiń basymyzǵa AQSH jáne Eýropalyq Odaq sanksıalary oınamaı ma? Sebebi biz qatarynan eki ızgoı memlekettiń jan dosy jáne jandaıshaby bolyp júrmiz. Bul saıasat burynǵy Syrtqy ister mınıstri belgili orysshyl adam Ydyrysovtyń saıasatynyń saldary desem artyq aıtqan sóz emes. Bul qatelikterdi joıý kerek. Eger Saýd Arabıasy men AQSH bara kele Astana kezdesýlerine qosylmasa onda máslıhatty doǵarý kerek.