16 naýryz kúni Qazaqstan Prezıdenti respýblıkalyq BAQ ókilderimen kezdesti

Áńgime barysynda Memleket basshysy qazirgi kún tártibindegi meılinshe ózekti saýaldarǵa jaýap berdi.

Kezdesýge qatysýshylar «Qazaqstannyń úshinshi jańǵyrýy: jahandyq básekege qabilettilik» atty joldaýdy iske asyrý aıasynda el ekonomıkasyn transformasıalaý úderisiniń birqatar aspektilerin, sybaılas jemqorlyqqa qarsy kúres máselelerin, qazirgi saıası jańǵyrý kezeńiniń erekshelikterin, BUU Qaýipsizdik keńesiniń turaqty emes múshesi retindegi Qazaqstannyń syrtqy saıası basymdyqtaryn, sondaı-aq basqa da mańyzdy jaıttardy talqylady.

Kezdesýge «Qazaqstan», «Habar», «MIR» telearnalarynyń, «Aıqyn» gazetiniń, «Esquire» jýrnalynyń, «Qazaqparat» aqparat agenttiginiń jýrnalıseri qatysty.