Qazir Qazaqstannyń Reseıdegi ókiletti elshisi qyzmetin atqaryp otyrǵan Imanǵalı Tasmaǵambetov Úkimet basshylyǵynda otyrǵanda Qazaqstandaǵy balabaqshalardyń bárin qazaq tiline aýdarýǵa bastama kótergen dep habarlaıdy Qamshy.kz.

Memleketshil tulǵa Imanǵalı Nurǵalıuly Úkimet músheleri men zıaly qaýym ókilderi qatysqan jıynda til máselesi týraly aıta kelip, Qazaqstandaǵy eshbir ata-ananyń qarsy shyqpaıtynyn alǵa tartyp, barlyq balabaqshalardy qazaq tiline aýdarýǵa bastama kótergen.

«Egemendigimizge, Táýelsizdigimizge 25 jyl toldy. Qazir barlyq jerde balabaqshalar salynyp jatyr. Nege sony qazaq tilinde ashpaımyz» deıdi Tasmaǵambetov.

Aıta keter bolsaq, ótken jyldyń jeltoqsan aıynda Astanada ótken Respýblıkalyq jastar Forýmynyń plenarlyq otyrysynda jastar QR Premer-Mınıstriniń orynbasary Imanǵalı Tasmaǵambetovten elimizdegi úsh tuǵyrly til saıasatyna qatysty pikirin bildirip, «Birinshiden, zań qabyldanyp, qajetti qarajat bólindi. Mamandar daıyndaldy. Búgingi kúni qarap otyrsańyzdar, Parlamenttegi jalpy jıyndardyń barlyǵy qazaq tilinde ótedi. Úkimettiń májilisi qazaq tilinde ótedi. Biraq, bir nárse túsiniksiz. Biz osy kúnge deıin, qazaq tili ózge emes, ózimizge kerek ekenin túsinbeı kelemiz. Jalpy qazaq tili degen halyqtyń jany. Budan artyq aıta almaısyń» degen bolatyn. Sondaı-aq, Qazaq tiliniń damýy týrasynda «Mine, másele osynda, biz bir-birimizben qazaqsha sóılessek, biz óz tilimizdi ózimiz qurmettesek, biz oǵan shyn máninde janashyrlyq bildirsek qana tildiń bolashaǵy bolady. Til bar jerde qazaq bar, til joq jerde qazaq joq. Bitti, basqa formýla joq bul máselede", - dep toqeterin aıtqan edi.