Oralmandar máselesin jıi kóterip júrgen aqyn Aýyt Muqıbek óziniń áleýmettik jelidegi paraqshasynda tómendegideı jazba jarıalady: "Ótken juma kúni Qos Palatanyń qos kúreńi - qos Nurekeńe - Nuralan Orazalın men Nurtaı Sabılánovqa kirip shyǵýdy ótingem. Búgin Nurlan Myrqasymulynyń kabınetinde bolyp, alda talqylanatyn Kóshi-qon Zańy jóninde sóılestim. Jyl basynan beri turaqty tirkeýge turýda qandastarymyzdy tıtyqtatqan Úkimettiń atyń óshkir "NOMERİ 111" Qaýlysyn ózgertý týraly Úkimetke Depýtattyq saýal jiberýin ótingen hat tapsyrdym. Myna qyzyl báleden (spravkadan) qutqarýyn ótindim. Nurlan aǵa bul usynysyma kelisim berdi.
Al, Nurtaı Salıhuly qoly tımeı jatqan bolýy múmkin, tel kótermeı tur. Kómekshisi de almaıdy. Tusten keıin nemese erteń taǵy habarlasam ol kisige."
Esterińizde bolsa, biz buǵan deıin aqynnyń 18 tamyz kúni Prezıdent keńsesiniń bastyǵy Mahmut Qasymbekovtyń qabyldaýynda bolyp, ózgertýler men tolyqtyrýlar engizilgeli jatqan Kóshi-qon zańyna qatysty usynystaryn jetkizgeni týraly jazǵan bolatynbyz. Bul joly da Aqynnyń úmiti aqtalyp, Orazalın úkimetke depýtattyq saýal joldaıdy dep senemiz.
