AQSH prezıdenti Donald Tramp  dúısenbi kúni Aq úıde arnaıy jasaq men keń ókilettilikter qurylatynyn málimdemek. The Washington Post aqparattyq gazetiniń habarlaýynsha, arnaıy jasaqqa jetekshi retinde prezıdenttiń keńesshisi men óziniń kúıeý balasy Djared Kýshner taǵaıyndalady.

Basylymnyń málimetinshe, Aq úıdegi amerıkalyq ınovasıanyń jetekshisi Trampqa tikeleı baǵynyshty bolyp, batys qanatyndaǵy táýelsiz birlik retinde jumys atqaratyn bolady.  Komersıalyq uıymdardyń burynǵy basshylarynan qurylatyn operatıvti top Vashıngtonǵa tyń ári sapaly ıdeıalar ákeledi dep kózdelip otyr.

«Bıliktiń toqyraýy jumystyń alǵa órleýine múmkindik bermeıtini saıasattan beıhabar amerıkalyqtardyń bári úshin túsinikti. Bundaı jaǵdaı jappaı toqyraýǵa, artyq shyǵynnyń kóbeıýine jáne jumystyń tejelýine ákelip soǵady», - dep habarlady Tramp. «Men memleketimizdiń qarajat sheńberine ózimniń tyń oıymdy engizetin bolamyn dep amerıkalyqtarǵa ýáde bergenmin», dep jalǵastyrdy oıyn.

Eskere ketetin jaıt, Kýshnerdiń basshylyǵyndaǵy uıymnyń qurylymy kezekti ret Tramptyń ákimshiligine kúıeý balasynyń áseri tıgenin kórsetedi. Búgingi kúni ol syrtqy jáne ishki máselelerdi sheshedi jáne  prezıdent janyndaǵy kadrlarǵa jaýapty. Kýshnerdi Qytaı, Meksıka, Kanada jáne Shyǵys elderindegi máselelerdi sheshýge Tramptyń keńesshisi bolyp júrgeni úshin «kóleńkeli dıplomat» dep atap ketken. 

Aýdarǵan: Gúlim JAQAN