Úkimet otyrysy barysynda QR Premer-Mınıstri Baqytjan Saǵyntaev Indýstrıaldy-ınnovasıalyq damý memlekettik baǵdarlamasynyń 2016 jylǵy qorytyndysy týraly esepterdi tyńdap, ónerkásiptiń bazalyq salalaryn tehnologıalyq qaıta qarýlandyrý boıynsha birqatar tapsyrmalar berdi dep habarlaıdy qamshy.kz.
Premer-Mınıstr Memlekt basshysy óz Joldaýynda ındýstrıalandyrý máseleleriniń mańyzdy róli kórsetilgen, Qazaqstannyń úshinshi jańǵyrýyn iske asyrýǵa baılanysty tapsyrma júktegenin atap ótti.
«Bizge Indýstrıa 4.0 elementterin engizýmen qatar, ónerkásiptiń bazalyq salalaryn tehnologıalyq qaıta qarýlandyrý boıynsha aýqymdy ári kóp eńbekti talap etetin jumys jasaý qajet», - dedi B. Saǵyntaev.
Sonymen qatar, Premer-Mınıstr eńbek ónimdiligin odan ári arttyrý máselelerine basa nazar aýdarýdyń jáne qazirdiń ózinde salalyq mınıstrlikter men óńir ákimdikterimen birlesip kásiporyndarmen birge núktelik jumystarǵa kirisý qajettigin aıtty.
