Jylamańdar, qyzdar-aı, jigit úshin!

    Nazerke Labihan
    Jylamańdar, qyzdar-aı, jigit úshin!

    Kim seni, renjitken bulaı, kókem?
    Kózdiń jasyn kól qylyp bulaıdy eken.
    Jarty álemdi ózine jalt qaratqan,
    Sulý qyz da osylaı jylaı ma eken?

    Janyńnyń jarylysyn uǵady kim :
    Dál qazir kógińdegi «qulady kún».
    Túsine almaı dal boldyń : nege, kenet,
    kúl talqan bop qırady qıalyń tym?

    Jaqut monshaqtaryńdy tógip, shashyp,
    Jylamashy egilip, janyń jasyp.
    Jylaı berseń, qýaryp gúldeı óńiń,
    Ajaryńdy ketedi ájim basyp.

    Jylamashy, jylaýdyń aty – qaıǵy,
    Jylamashy ketkendeı batyp aı, kún.
    Jylatqan seni solaı qatigez jan,
    Bir tamshy jasyńa da tatymaıdy.

    Kómeski tartyp kúldeı reńiń shyn,
    Qulaǵandaı bolmashy tireýishiń.
    Shyn ǵashyq jylatpaıdy eshqashan da,
    Jylamashy qaıdaǵy bireý úshin.

    Ózi jasyn tókse de kól ǵyp, meıli,
    Shyn ǵashyq jylatpaıdy, egiltpeıdi.
    Shyn ǵashyq senen alys uzamaıdy,
    Shyn ǵashyq telefonǵa telmirtpeıdi.

    Shyn ǵashyq – seniń dáıim janashyryń,
    Aıamaıdy ózińnen bar asylyn.
    Arýlardy aıalaı almaıtyndar,
    Bar bolǵany «uldary mamasynyń».

    Baqytyńnyń baǵasyn baǵamdaı bil!
    İzdep ony qashan da alańdaı júr!
    Baqytyńdy izdeı ber! Kúder úzbe!
    Óıtkeni ol seni izdep taba almaı júr.

    Baqytysyń bireýdiń, úmitisiń.
    Kúlshi qane, bar muńyń umytylsyn!
    Kóbelekteı ár gúlge ushyp- qonǵan,
    Jylamańdar, qyzdar- aı, jigit úshin.


    Avtory: Sáýle Shetenova

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026