31 naýryz – 1 sáýir aralyǵynda QR Premer-mınıstriniń orynbasary, Aýyl sharýashylyǵy mınıstri Asqar Myrzahmetov bastaǵan Qazaqstan delegasıasy Qytaı Halyq Respýblıkasynyń Bejiń qalasynda birneshe mańyzdy kezdesýler ótkizedi dep habarlaıdy qamshy.kz QR ASHM Baspasóz qyzmetine silteme jasap.

Delegasıa quramynda Aýyl sharýashylyǵy mınıstrligi men óńirlerdiń salalyq basqarmalarynyń basshylary, «QazAgro» holdıńi men enshiles uıymdary ókilderi jáne aýyl sharýashylyǵy qaýymdastyqtarynyń jetekshileri men jeke kásipkerler bar.

Sapardyń basty maqsaty – Memleket basshysy N.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýyndaǵy aýyl sharýashylyǵy ónimderiniń eksporty boıynsha bergen tapsyrmalaryn júzege asyrý jáne eki jaqty tıimdi kelisimderge qol jetkizý.