29-naýryzda Ortalyq komýnıkasıalar qyzmetinde «Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýynyń aıasynda «Kásipqor» holdıńi» KEAQ-nyń mindetteri, onyń ishinde WorldSkills Kazakhstan jobasy» taqyrybyna arnalǵan baspasóz konferensıasy ótkizildi dep habarlaıdy qamshy.kz.

İs-sharaǵa spıker retinde Qazaqstan Respýblıkasy Bilim jáne ǵylym mınıtrligi TjKB departamenti halyqaralyq jobalar jáne seriktestik basqarmasynyń basshysy Raýza Shırgatova, «Kásipqor» holdıńi» KEAQ-nyń Basqarma Tóraǵasy Nurǵalı Arshabekov, «Kásipqor» holdıńi» KEAQ-nyń Basqarma Tóraǵasynyń orynbasary Saǵat Appaev, «Elektromontajdaý  jumystary» quzyrettiligi boıynsha tehnıkalyq sarapshy Abıldınov Qýatbek Býlatuly qatysty.

Brıfıń barysynda «Kásipqor» holdıńi» KEAQ-nyń qyzmetine qatysty jańa bilim berý baǵdarlamalaryn ázirleý jáne engizý, mamandardy daıarlaý sapasyn arttyrý suraqtary, WorldSkills Kazakhstan jobasyn damytý jáne t.b. suraqtar men tapsyrmalardy qozǵaý josparlanýda.

WorldSkills – halyqaralyq qozǵalys, álemniń 76 memleketine taralǵan. Onyń basty maqsaty jumysshy mamandyqtardyń bedelin arttyrý jáne keńinen nasıhattaý bolyp tabylady.

2017 jylǵy Ulttyq chempıonattyń basty maqsaty – jastardy jumysshy mamandyqtardy ıgerýge tartý. WorldSkills qozǵalysy elimizdiń jas mamandaryna ıgergen kásibı daǵdylaryn jáne quzyrettilikterin barshaǵa kórsetýge múmkindik beredi.

Qazirgi ýaqytta WorldSkills Kazakhstan Ulttyq chempıonatyn 2017 jylǵy sáýirde 27 quzyrettilik boıynsha uıymdastyrý jáne ótkizý boıynsha daıyndyq jumystary belsendi júrgizilýde. Ulttyq qurama músheleri WorldSkills Russia jáne Abý-Dabı q. (BAÁ) halyqaralyq chempıonattarǵa qatysady.