2018 jyldyń sońynda Kedendik odaq (KO) elderi arasynda mobıldi roýmıng joıylýy yqtımal, bul týraly Eýrazıalyq ekonomıkalyq komısıa mınıstri Nurlan Aldabergenov aıtqan. Onyń málimdeýinshe, qazirgi tańda osy másele boıynsha zertteý jumystary júrigizýlýde. «Bul máseleni sheshý birinshi kezekte normatıvtik-quqyqtyq qujattardy zertteýden turady, sebebi ár memleket óz ulttyq zańdary aıasynda sheshim qabyldaýlary tıis. Sondaı-aq, ekinshi kezeń – zańnamalyq jospar boıynsha tásildemelerdi sáıkestendirý. Esepteý boıynsha, bul másele shamamen úsh-tórt jyl ishinde sheshimin tabady», - dedi Aldabergenov.

Roýmıng – bir memlekettiń baılanys abonentteri shetelge shyqqanda SIM kartasyn aýystyrmaı-aq qoldana berýin qamtamasyz etetin qyzmet, biraq bul anaǵurlym qymbatqa túsedi. Al, atalǵan habarǵa saı Keden odaǵy elderi arasynda roýmıng joıylar bolsa, el aýmaǵynan jıi shetel asatyn kásipkerlerge tıimdi bolatyny anyq.

Qamshy-aqparat