XVIII ǵasyrdaǵy qazaq batyrlarynyń biri, Er Jánibek Berdaýletulynyń 300 jyldyǵyna arnalǵan toı endi Mońǵolıa jerinde jalǵaspaq. Esimi abaq kereıdiń uranyna aınalǵan, Abylaıdyń oń tizesinen oryn alǵan batyr, sheshen Jánibek batyrdyń qurmetine arnalǵan halyqaralyq jıyn-toılar kóktem aılarynda  bastalǵan bolatyn. Batyrdyń esimi buǵan deıin Qazaqstanmen qatar, Qytaıda, Túrkıada ulyqtaldy. Ólke jerinde ótetin toıǵa Almaty qalasynan «Er Jánibek» qoǵamdyq qorynyń vıse-prezıdenti Jeńis Túrkıa bastaǵan bir top azamattar, jýrnalıser attandy. Olardyń jol tartqan kólik kerýeni Óskemen, Rýsovsk, Barnaýl, Bıısk, Tashant arqyly Baıan Ólgeı jerine jetpek. Mońǵolıa jerindegi,  Er Jánibek batyrǵa arnalǵan merekelik is-sharalar 12-14 qyrkúıek kúnderi ótpek. Ótý órny Ólgeı qalasy, Sary kól jaılaýy.

Esterińizde bolsa, Jánibek batyrdyń qurmetine maýsym aıynda Astana qalasynda kólemdi halyqaralyq aıtys jáne ǵylymı konferensıa, sondaı-aq Shyǵys Qazaqstan oblysy, Jarma aýdany, Qalbataýda alaman as ótti. Qamshy portaly osyǵan baılanysty Astyń amanaty atty maqala jarıalaǵan bolatyn. Biz baba esimin ulyqtap, batyryn ardaqtaǵan halyqtyń batyr uldary kóp bolsyn deımiz.