Din isteri jáne azamattyq qoǵam mınıstri paramen ustalǵan qaramaǵyndaǵy laýazymdy sheneýnikke qatysty málimdeme jasady, dep habarlaıdy KTK jańalyqtary.

 Komıtet tóraǵasynyń orynbasary Baýyrjan Mýsınniń qolyna birneshe kún buryn kisen salynǵan bolatyn.

Óıtkeni sheneýniktiń kóliginiń tartpasynan 400 myń teńge tabylǵan. Bul - paranyń bir bóligi eken. Negizi aýyzbastyryq 1 jarym mıllıon teńge bolypty. Azamattyq qoǵam isteri komıteti tóraǵasynyń orynbasary osy somaǵa tender alyp bermek boldy deıdi tergeýshiler. Al mınıstr Ermekbaev qaramaǵynda istegen Mýsınge shań jýytpaı otyr. Aıtýynsha, oǵan vedomstvany materıaldyq tehnıkalyq jabdyqtarmen qamtý tapsyrylǵan. Sondyqtan qujatpen asyǵamyn dep júrip qatelesýi múmkin. Tipti 31 jastaǵy sheneýnikti basshysy saýatty maman dep maqtap otyr. Ázirge shatylyp jatqan atqaminer qyzmetinen qýylmaǵan.

Nurlan Ermekbaev, QR Din isteri jáne azamattyq qoǵam mınıstri:

-Ony sot sheshedi. Meniń ataıyn degenim, Mýsın myrza ne memlekettik, ne áleýmettik tapsyrys bólý máselelerine, ne granttardy bólýge esh qatysy bolǵan joq.