Apple kompanıasy alda shyǵarylatyn jańa iPhone smartfondaryn «suıyq metaldan» jasaıdy. Ol kompanıa daıyndaǵan qujatta kórsetilgen. Bul týraly 24.kz VistaNews saıtyna silteme jasap habarlaıdy.

Qurylymy boıynsha shynyny eske salatyn korpýs tıtan, sıkron, mys, nıkel jáne ózge de metaldardyń eritindisinen turady. Bul óte berik, tózimdi materıal deıdi mamandar. Olar jasaǵan eritindige usaq syzattar men qaıta qalpyna kelý qasıetine baılanysty «suıyq» degen ataý berdi.

Esterińizge sala keteıik, munyń aldynda da Apple «suıyq metal» jaıly birneshe ret aıtqan bolatyn. Biraq kompanıa bul jolǵy iPhone syrtynyń dál osy metaldan jasalatynyn naqty qujatta kórsetti. Apple bul tehnologıany merzimsiz qoldaný lısenzıasyn kalıfornıalyq Liquidmetal Technologies fırmasynan aldy. Sebebi «suıyq metal» tehnologıasyn dál osy ǵylymı-tehnologıalyq ınstıtýttyń burynǵy ınjenerleri oılap tapty.