Soltústik Koreıa kezekti ret orta qashyqtyqta ushatyn balıstıkalyq zymyrandy ushyrdy. Zymyrannyń ushyrylǵanyn AQSH Qarýly kúshteriniń tynyqmuhıttyq qolbasshylyǵy da naqtylady, dep habarlaıdy «Qamshy» aqaparattyq agenttigi bbc.com saıtyna silteme jasap.

Jerústi zymyrany Koreı túbeginiń shyǵys jaǵalaýynan Japonıaǵa qaraı baǵyttaldy.

Amerıka áskerleriniń málimdeýinshe, zymyran Japon teńiziniń beıtarap aımaǵyna qulaǵan.

Ońtústik Koreıa Qorǵanys mınıstrliginiń aqparaty boıynsha, zymyran 9 mınýt boıy ushqan. Osy ýaqyt aralyǵynda ol 60 km qashyqtyqty júrip ótken.

Soltústik Koreıanyń bul jolǵy zymyran synaǵy QHR Tóraǵasy Sı Szınpınniń AQSH-qa barýyna 1 kún qalǵanda jasalyp otyr. Qytaı kóshbasshysynyń Donald Tramppen aradaǵy talqylaıtyn máseleleriniń biri de osy - Phenánnyń zymyrandy-ádrolyq áleýetin aýyzdyqtaý.  

RIA jańalyqtar qyzmetiniń málimetinshe, Japonıanyń Premer-mınıstri Sındzo Abe Soltústik Koreıanyń ushyrǵan kezekti zymyranynyń túbinde arandatýshylyq jatyr deıdi.

«Bul QK BUU revolúsıasyna qaıshy keletin ári qaýipsizdik jospary týrasyndaǵy arandatýshylyq áreket» dedi Abe.

Japonıa Soltústik Koreıa tarapynan týyndaǵan mundaı arańdatýshylyq áreketterge tózbeı, qatań narazylyq týdyrady, dep habarlaıdy «Kıodo» agenttigi.