Jantúrshigerlik kisi óltirý oqıǵasy 31 naýryzda bolǵan. Osyǵan deıin de bul oqıǵa jaıly agenttik  aqparat bergen bolatyn. Al, búgin jańa derekter jarıa bolypty. Almaty oblysyndaǵy "Asyl Arman" turǵyn úı kesheninde 17 jastaǵy qyzdy zorlap, artynsha óltirip ketken kúdikti tergeýshilerge oqıǵanyń tolyq mán-jaıyn aıtyp berdi dep habarlaıdy "Qamshy" aqparattyq agenttigi Patrul.kz-ke silteme jasaı otyryp. Qalyń jurtshylyqtyń jaǵasyn ustatqan oqıǵanyń mán-jaıy jaıly aqparatty qazaqshaǵa aýdaryp, nazarlaryńyzǵa usynýdamyz.

Oqıǵanyń qysqasha mán-jaıy mynandaı: áıeli men kúıeýi urysyp qalǵan. Nátıjesinde áıeli balalaryn alyp, Uzynaǵash eldimekenine jol tartyp ketedi. Birneshe kúnnen keıin jumysqa shyǵýǵa májbúr bolǵan áıel balalardy kúıeýiniń qasyna óz úıine jiberedi. Balalarǵa bas-kóz bolsyn, tamaǵyn jasap bersin degen nıetpen týysqan qyz Áıgerimdi de qosa jibergen kórinedi. Araqqa sylqıa toıyp alǵan erkek balalardy alańǵa oınaýǵa jiberip, Áıgerimdi dúkenge jiberedi. Úıge oralǵan bıshara qyzdy kúsh qoldana otyryp zorlap, «bárin aıtyp beremin» degen bir aýyz aıtyp qalǵan ony býyndyryp óltiredi. Qylmysyn jasyrmaqshy bolyp deneni kilemge orap, tósektiń astyna tyǵyp qoıady. Áıgerimdi jan-jaqtan izdeı bastaǵanda qylmysker qaladan qashýdy oılastyrady da avtobýsqa bılet satyp alady. Alaıda qandyqol qylmysker qolǵa túsedi. Óz kinásin birden moıyndaǵan ol bolǵan oqıǵany esh ýaıymsyz, ókinishsiz táptúshtep aıtyp berdi. Qylmyskerdiń aıtýynsha, bárine araq kináli eken.