Qytaıdyń «Singer 2017» ánshiler básekesiniń aqtyq synynda Dımash Qudaıbergen Shań Venjemen (尚雯婕) birge án shyrqaıdy, dep habarlaıdy «Qamshy» aqparattyq agenttini QazAqparat tilshisine silteme jasaı otyryp.

Buǵan deıin habarlaǵanymyzdaı, Dımash baıqaýdyń jartylaı fınalynda ıtalıalyq ánshi Adrıano Chelentanonyń «Confessa» ánin jáne «5-elementtegi» arıany qosa shyrqap, aqtyq básekege súrinbeı jetti. Qytaılyq Sina weibo áleýmettik jelisindegi aqparatqa sensek, baıqaýdyń aqtyq básekesine joldama alǵan 8 ánshi qytaı estradasynyń juldyzdarymen jup bolyp óner kórsetedi. Aıta keteıik, Shań Venje 1982 jyly Shańhaı qalasynda týǵan. Shanhaı Fýdan ýnıversıtetin bitirgennen keıin ánshilik jolyn bastaǵan. Fransýz jáne aǵylshyn tilderin jetik meńgergen. 2006 jyly Hýnan telearnasynyń «Super Girl» án baıqaýynda bas júldeni jeńip alǵan, sondaı-aq, 2013 jyly «I am singer» baıqaýynyń alǵashqy maýsymynda óner kórsetken. 2012 jyly Parıj qalasynda fransýz ánderi mýzykalyq keshin ótkizgen. Dımash Qudaıbergen kelisimshartqa otyrǵan BGTalent (黑金经纪) prodúserlik kompanıasynyń negizin qalaýshy. Eske sala keteıik, «Singer» baıqaýynyń jartylaı fınaly Hýnan telearnasynan 8 sáýir kúni kórsetiledi. Baıqaýdyń fınalyn 15 sáýir kúni otandyq Habar arnasynan jáne Hýnan telearnasynan tikeleı efırden tamashalaýǵa bolady.